اخترنا لكم شعر نبطي وفصيح

النفس محتاجه رضا الرب عنها
ما هي بمحتاجه لعطف المخاليق

والنفس خيل ومن يمهل رسنها
جابت عليه الهم والغبن والضيق

.....

مع دورة الدنيا يقلون الأصحاب
واليا صفى الصافي تريح فؤادي

بقى بجنبي محزمي وقت الأنشاب
وبقى معي راع الوفاء والمبادي

يا كثرهم جازوا هل الطيب بغياب
كيف اختفوا في وضع ما هو بعادي

اللي من اول حاسب ٍ فيهم حساب
بانت حقيقتهم وزان ابتعادي

.....

‏نمسي على حال ونصبح على حال
والكون له رب بحكمه يديره

بيديه تحقيق الأماني والآمال
ولا يملك الأقدار فالكون غيره

ليا نواك بخير وسع له الجال
واعطاك من جوده وفضله وخيره

وليا نواك بغير دقق ف الأفعال
يمكن ذنوبك عند ربك كبيره

.....

ومن نام بين مرنقطات الحيايا
يرتاع لو تدبي على الرجل ذره

.....

يالله عسى الوقت يمضي على خير
‏وكل الامور اللي على البال تفرج

‏وتشرق لنا شمس الامل بالتباشير
‏ونلقى لنا من ضيقة الصدر مخرج

.....

يا عظيمه وانتي الاشياء الجديده والقديمه
‏وانتي اللي لو تصد الارض ماصديت عنها

‏وانتي اشجع الانتصارات وملذات الهزيمه
‏وانتي اللي وين مالقيّت قلبي قال عنها

‏وانتي اعجوبة زمان الشاعر اللي هل ديمه
‏وارتوت جدب القصايد لين صح الله بدنها

.. ..

لا تاخذك الليالي والليالي ماهي بشرواي
‏تداري خاطرك من كل تنهيده وتلويعه

‏عفى الله عن حبيبي لو حبيبي ماهو بـ معاي
‏كثر ما أعاند الشوق بغيابه وأرجع أطيعه

‏عليه من السرور اللي ماهو في وجهي البكاي
‏وعليه من السلام اللي ماهو في ليل توديعه

.....

‏لك علي انّي ماحطك على لسان الشموت
‏ولي عليك إن كان صدرك تضايق مرّني

‏مستعد أموت لجلك ولكن قبل أموت
‏كـان عندك شي يثبت غلاتي ورّني

.....

‏عليك من الضيّا والنور ليلٍ يحتري ملفاك
‏و روحٍ عانقت حضن الرجا في بردها العاتي

‏ذرى عن كل ما يوحش مكانٍ خاطره لقيّاك
‏سرى عن كل همٍ ما يضيم إلّا مع سباتي

‏ورى ذيك النجوم الحايره من مبسم محيّاك
‏عذوب المنطق اللي لا حكى يخطفني من ذاتي

.....

عسى المانع اللي منع من وصالي خير
‏فقدت اتصالك ، والمراسيل لي مده

‏عساها ظروف الوقت ماهوب شي غير
‏أنا اشوفها في عيني اشوا من الصده

.....