اخترنا لكم شعر نبطي وفصيح

‏لا اصبح عليك الصبح آمن ومرتاح
‏والجسم طيب والجوارح سليمه
‏
‏تحمّدالله فانت من ضمن الأرواح
‏اللي نعم ربي عليها عظيمه

الحمدلله

أتلذّذ بالطواري ونسناس الهبوب
‏لو ما جالك ذكر بين العلوم العابره

‏كنّ في كبدي من الشوق والفرقى شبوب
‏ المحاني ذي صويبه وهذي جابره

‏من غلاك ومن محبتك قلي كيف أتوب
‏وأنت حبّك في ضلوعي وقلبي خابر

.....

‏سكوتي عن الزلات ماهو سكوت الخوف
‏وانا اقدر على تلجيم الافواه وحكاها
‏
‏تشيمت والزله ليا جت على المكشوف
‏ليا وحيتها سويت ماني بوياها
‏
‏على سلمنا المتوارث الواضح المعروف
‏تعلمت اهمشها كذا واتناساها
‏
‏انا من كثر ماشوف كني ماعاد اشوف
‏تعرّض عليّ المخطيه واتعداها

.....

‏لكن ما مثلك وشرواك
‏حبك سكن في شراييني

‏وامسيت تايه على ماطاك
‏اللي يضيّع ويهديني

‏عجزت وآنا على شدواك
‏ما كنك إلا تناديني

‏لا زلت في سيرتك واهواك
‏والليل عيّا يخاويني

.....

‏حدود الحشى ملفاك يا الفارع الميلاف
‏لو الحزن من بعدك ثلاثية أبعاده

‏ما عينت لك وجهه عشان انوي المنكاف
‏وجودي على اللي يا صعب فكرة إيجاده

‏من الشوق و أعراض السهر شفت الاستنزاف
‏ما يجعلني استنكر من النوم ب وساده

‏وش المانع تخلين طيش الغرور خلاف
‏واخلي النجوم الساريه عندك قلاده

.....

‏شعيت القصايد كل ما مرني هوجاس
‏تعديت ابن زيدون في حبّ ولاّده

‏كتبتك شعور وصايدتني عيون الناس
‏وانا ما علي ان صارت الناس نقاده

‏تضيع الملامه فدوة عيونك النّعاس
‏ولا ضيّع الشاعر ذلوله ولا شداده

‏ تشافيت من جرحي ولا قلت لي لاباس
‏وانا احب جرحي كثر ماشفتك ضماده

.....

‏يا ألطف من الغيم وأمتع من رذاذ المطر
‏في عيوني أحلى من القمرا ومن نورها

‏تصدّقي بالكلام اللي ماهو مختصر
‏الناس دايم تصدّق حسب ميسورها

‏أنا فقير المواصل وانت كلك نظر
‏ترى الفقارى قليلك يبهّج صدورها

‏الليله اللي تجيبك ذيك ليلة عمر
‏وأنتي مسا خيرها وانتي مسا نورها

.....

‏غشاك من الرحابة والذرابة والحسن جلباب
‏وزول يخطف عيون القصايد من مغنيها

.....

‏شرهة الشاعر ليا غنى على مسباحه
‏وشرهة المشتاق دايم من نصيب الفرقا

‏من خسر كرامته مايستلذ ارباحه
‏لو تساوي قيمة ارباحه قصر ف الملقا

.....

‏متني الي كل حملٍ يرتكي له
‏ما انثنى الا فوق سجادة صلاته
‏
‏وراسي الي عاشقٍ للمستحيله
‏ما يخاف الا من عيون الشماته

.....