اخترنا لكم شعر نبطي وفصيح

فتشبَّهوا إن لم تكونوا مثلَهم
إنّ التـشـبُّـهَ بالـكِـرامِ فـلاحُ

شهاب الدين السهروردي

لبيك جيْتُ بأحمالي وأثقالي
أحُطُّ في حُسن ظنّي رحْلَ آمالي

وقفت أدعوك عندي ألف مسألةٍ
وأنت أعلمُ يا مولاي بالحالِ

وأنت أهل الثنا والجود نقصدهُ
والجاه والملك والسلطان والمالِ

لولاك ضاقت بيَ الأرض التي رحبُتْ
وكان عمريَ فيها محْضَ أهـــوالِ

.....

‏فَالوَصلُ أَجمَلُهُ ما كانَ بَعدَ نَوىً
وَالشَمسُ بَعدَ الدُجى أَشهى لِرائيها

.....

‏تبَسَّمْ وابذُلِ المعروفَ دومًا
‏وكن سمْحًا بما فيه الكفايةْ

‏جَمالُ الشكلِ مطلوبٌ ولكن
‏جَمالُ الروح أولى بالعنايةْ

.....

كل ماضاقت مساليك الحياه*
ما لقيت اطيب من علاج السجود

يالله اجعلني من اصحاب الصلاه*
قبل تجعلني من اصحاب اللحود

.....

‏والله انـــك يــا عديل الـروح غالي
واثمن من السر بأعماق الضمـاير

فـرحة عيّــوني ليا شفتــك قبالـي
فرحة الكسبان مـن بعد الخـساير

.....

نسمة هبوب الصبح من لطفها غير
نسناسها منعش وللنفس راحه

الله يصبح من قـرا النص بالخير
وإن ما قـراه الله يسعـد صباحه

.....

‏تسأل عيوني يا غلاهآ عن الذوق
ما يگفي أنهآ سآهمت بإختيآرگ

وتسأل خفوقي گيف مآ هزه الشوق
ويآ طول ليلٍ مآ يعآنق نهآرگ

.....

على وَسْق الليَالي ما لقيت من الحقايق عِدَّ
‏أباعد شرهتي والله عليم بـ ْشرهة أصحابي

‏أشوْف إنّ السنين الأوَّله: بَيْن الغضب، والوِدّ
‏مسافاتٍ.. تجدّد خطوتي، وتضيِّق رحَابي!

‏لو إني ما تدارَكتْ المشاعر، والسهر، والجِدّ
‏مضى عمْري وأنا أكسِّر غصوني، وأطرد أسرابي

‏حبيبي أعرِفك.. وأنت متوزِّع بَين ضدّ وضدّ
‏ولكني أحبَّك، وأعشق اِسمك يا أخر أحبابي

‏أمِلّ من الديَار الموْحشة، وأنزل معك، وأشدّ
‏عسى دارك تبرِّد خاطري.. وتداري أعصابي!

‏أمانة لا تجازي من يحبَّك.. والسنين تْعِدّ
‏ترى حزني قديم، وضحكتي ما شقها نابي..

‏أعرْفك سيفٍ -إن مرَّ الحنايا- كن ما له حدّ..
‏أنا أستعذّب طعونه لو يخطّ الموت فـْ كتابي..

‏أقول إنك سؤال أحيان، وأحيانًا أشوفك رَدّ
‏أنا يا الله وِش جاري علي، ووش هي أسبابي؟

‏لو إني ما تحايل.. مثل خصرك يا رهيْف القَدّ
‏لا زلت أشدّ لك شدّ الركاب لـْ حكمة أعرابي

‏عشان الضحكة اللي ما لها بين الخلايق نِدّ
‏أسوق أقصى معاذير الغلا، وأشدِّد ركابي

‏لو إنه ما وقف بيني وبينك فـ البسيطة: حَدّ
‏أنا اللي واقفٍ بيني وبينك: «دمعة أهدابي»

‏أنا أولى بالهوَى، ودموع عينك، والهدب، والخدّ!
‏مع إن العبرة (اللي في خفايا صوتك) أولى بي..

‏إذا إنك ما دريت عن الجروح الموْجِعة، والصدّ؟
‏جروحي يا حبيبي كانت أدرى فيك وأدرى بي

محمد السلطان

يوم أضيّع دروبي .. ليه أدور دليله ؟
‏دام سبة ضياعي عين نجلا و شامه
‏
‏مادريت إن قلبي كان .. راعي طويله
‏لين واجه جروح الفاتنه : بـ ابتسامه
‏
‏تدري ان "ذبحة الغيله" بـ يدها نبيله
‏ليتها ما درت واقفت بحب .. و كرامه
‏
‏جرحها إللي على صدري وسام و فضيله
‏و من مقامه لقى فـ القلب حسن الاقامه
‏
‏راح عمري أضم الجرح في ( كل ليله )
‏لين ما ناحت الذكرى .. بدال الحمامه

‏صح عيني .. عيون إللي مضيّع خليله
‏بس ماضاع منها غير " وجه السلامه "

‏هي كريمة وصل .. بس الليالي بخيله
‏عذرها إللي تقوله لا نويت ( الملامه )

‏عادها الغايه .. اللي تفتقد لـ الوسيله
‏لو رمتني مابين الغطرسه .. و الزعامه

‏كل ماقلت أبي لي نوض برقٍ و آخيله
‏قالت البرق والله في جبيني ( علامه )

‏جاعلٍ مابقى فالعمر رهن الجديله
‏جعلها ما توردني " حياض الندامه "
‏
عتيم