اخترنا لكم شعر نبطي وفصيح

اتغيشم في زماني وانا ماني غشيم
واسفه العوجا ما كني سمعت ازعاجها

ادري ان الموت الاحمر ليا ضاق الحليم
كم هروجً قاصرً دونـها هـراجها

والخطاء لاجاك من واحدٍ فكره سقيم
صدة النفس الكريمه تراه علاجها

واللجاجه بالمجالس تـراها للحريم
والرجال رجال في ثقـلها منهاجها

.....

نصيحتي للكل من دون تحديد
وأبدى بنفسي قبل نفسي تولّي

أبختصر في شطر ماودي أزيد
والله ما يرتاح غير المصلّي

فواز بن محيلب

ريح الحطب والبرد ومقابل النار
‏تجلي عن الخاطر همومٍ كثيره
‏
‏والدله اللي وسطها بـن وبهـار
‏تشفي جروح اللي جروحه خطيره

.....

من لا حسب قبل النسب معدن الخال
‏ لا ينشد المولود من وين عيبه

.....

يالله يامجري تصاريف الاقدار
ياعالمٍ جهري وخافي السريره

اعوذ بك من عثرة الوقت لا دار
واسألك توفيقٍ وحسن البصيره

فتى الجوف

ترى الدروب الي ترجّع تودّي
أقطع وريد الوصل وأقطع وريده

رح وين ما ودّك ليّا أرخصت ودّي
يمكن بعد روحتك فرصة سعيدة

ماني بقايل روح مرواح جدّي
جدي فقيده وأنت منت بفقيده

.....

جُد بالحديث مع الأنام برقةٍ
‏فالناسُ يأسرها الكلامُ الطيِّبُ

.....

مَتَى الوُصُـولُ فَقَـد ضَلَّت مَرَاكِبُنَا
وَقَد صَـدَئنَا وَمَا بَانَت مَرَاسِـينَا

ذُبنَا اشتِـيَاقَاً لِمَنْ نَهـوَى وَلَا خَبَرٌ
يُحـيِي القُـلُوبَ وَلَا صَـبرٌ يُدَاوِينَا

.....

عذرته وسامحته على كل ما سواه
‏ومديت له كف المفاارق وودعته

‏أحبه ولكن خآطري جاه ما كفـاه
‏يكفيني أني لا جرحته ولا اوجعته

.....

‏ما تاقف الدنيا على من تجاهلك
‏كم ضاع فيها من كبار الهقاوي

‏اللي يبي وصلك وقربك يحصلك
‏بعض المواقف ما تجي بالمناوي

‏واللي يبي بعدك مع الوقت يهملك
‏مالك ومال اللي على البعد ناوي

‏هذاك لو ترضيه يرجع ويزعلك
‏رضاك عنده مع زعلك متساوي

.....