اخترنا لكم شعر نبطي وفصيح

هجم السرور عليَّ حتّى أنّهُ
من فرط ما قد سرّني أبكاني

يا عينُ صار الدمعُ منكِ سجيّةً
تبكينَ مِن فَرَحٍ ومِن أحزانِ

.....

و اذكُرُكُم برؤيةِ كلِّ حُسنٍ
فيصبو ناظري و القلبُ أصبى

و أَشكو مِن عذابي في هَواكم
و أَجزيكم عن التعذيبِ حُبّا

و أَعلمُ أَن دَأبكُمُ جَفائي
فما بالي جعلتُ الحبَّ دأبا

و رُبَّ مُعاتِبٍ كالعيش يشكى
و ملءُ النفسِ منه هَوًى و عُتبى

.....

وَكَم لِلّهِ مِن لُطفٍ خَفيٍّ
‏يَدِقُّ خَفاهُ عَن فَهمِ الذَكيِّ

‏وَكَم يُسرٍ أَتى مِن بَعدِ عُسرٍ
‏فَفَرَّجَ كُرْبَة القَلْبِ الشَجيِّ

‏وَكَم أَمرٍ تُساءُ بِهِ صَباحاً
‏وَتَأتيكَ المَسَرَّةُ بِالعَشيِّ

سبحانه

إذا أبتدا الصبح فيك اليوم كله يزين
‏يا بهجة أحلامي اللي ما بعد طلتها

‏أنا فدى الضحكه الحلوه من الشفتين
‏لولا الحياء من سلومي كان قبّلتها

.....

‏"سلام الله وأنا ماعاد أبي غير السلام وبس
‏سلام الروح ماهوب السلام اللي تعرفونه

‏أنا طيّب ومتسامح ومتواضع ومرهف حس
‏وكاشف خطة المحتال لو تضحك لي سنونه

.....

‏استقري داخل الأعماق يا الذكرى القديمه
‏في قفص صدري تطيب لك الحفاوة والاقامه

‏يوم أودع ضحكتي خلف الدروب المستقيمه
‏ادري ان الحزن ما يعرف نظام الاستقامه

‏القلوب الصادقه دايم نوياها سليمه
‏والقلوب الكاذبه فيها من الغيره علامه

‏دايم الأبطال ما يرضون في عيش الهزيمه
‏عندهم ما فيه حي يعيش من دون الكرامه

‏ودي أغامر ايلين أصافح يديك الكريمه
‏يا لجفول اللي تمايل تحت همال الغمامه

‏وجهك اللي طلته مثل القمر في أطراف غيمه
‏من يكذبني لا قلت الغيمه أطراف اللثامه

‏يا أعذب من الغربي اللي كل ما ذعذع نسيمه
‏قمت اردد يا سلام الله وغني يا حمامه

‏ما يموت الحب دام الحب له فالقلب قيمه
‏علّم اللي حبهم قايم على شان الوسامه

‏كل ما يطري علي الوصل قلت الله يديمه
‏والمفارق لا طرى قلت اسال الله السلامه

‏العظيم اللي يوقف فالمواقيف العظيمه
‏مستعد يضيّع أحلامه على شان ابتسامه

.....

‏واللي يهددنا بليثٍ فـ العرين
‏جينا العرين ومالقينا فيه أحد

‏واللي يناظر للبلاد بنص عين
‏نلطم عيونه لين ياتيها رمد

🇸🇦

‏لو ما بقى بالعمر إلا ضحى شمس
‏فديت به ديني وداري وأهلها

‏ما قد ذخرت اليوم عنها ولا أمس
‏هي عشقة أفكاري وغاية أملها

‏أجهر بها ما نيب أنا أقولها همس
‏عادات أبوي وجدي اللي صقلها

.....

‏خلني لا شفت هب الريح جاني من مهبّه
‏اتعنى لين اجي واصل سرابه وارتوي به

‏موهمٍ نفسي وعايش في أمل وصله واحبه
‏ اروي اوهامي قصايد من غلاته واعتني به

‏هذا انا في كل يوم اجي المكان اللي يحبّه
‏واتغارب غيبته حتى ولو ماهي غريبه

.....

‏السنافي ما تضيق به الوسيعة
‏والغياب احيان اخير من التواجد

‏كل واحد يفعل اللي يستطيعه
‏الجميل صعيب والاعذار واجد

‏ولا يسوي معجزاتٍ فالطبيعة
‏غير دعوة مؤمن لله ساجد

‏ما دخل قلبه نفاق ولا قطيعة
‏ولا تعلق قلبه الا فالمساجد

.....