اخترنا لكم شعر نبطي وفصيح

عزة النفس فيني من صغر سني
‏مـن صـد عني بيـبطي ماتـباطيـته
‏ٰ
‏مغنيني الله عن اللي مغتني عـني
‏والرزق من غيـر ربـي ما تـرجيته

.....

الوفا والطيب والعزم والصبر الجميل
‏ماندم كفواً حفظها ، وصدره ضمها

‏ومن توكل بالله اللي على خلقه وكيل
‏ما يهمه كثر مدح العباد وذمها

.....

لا صار ابن عمك طقوعٍ مصيّف
‏حاول تجمّل لا تحده على اقصاه

‏استر خطاه وخل حمله خفيّف
‏ويكفيك عن كثر المشاريه فرقاه

‏هو مايضرك غير فهم الضعيّف
‏يشوفك عدوّه وانت سيفٍ بيمناه

.....

ياشيب راسي يا الليالي الشديده
جاء في علوم العارفين استداره

يجيك من ظهر الخساره وليده
ويجيك من ظهر الوليده خساره

.....

عسى نفسي اللي بين الاحلام والغايات
ما تفقد شعور الكلمه اللي تحفزها

على كثر ما مرت علينا من العثرات
يا كثر الظروف اللي عبرنا حواجزها

.....

قريب المعشىٰ ماذخرناه وقت الضيق
ذخرنا الحزام اللي تشوقه عزاوينا

يجور الزمان ونعرف الصدق والتلفيق
سلامي على الشدات تفحص هقاوينا

.....

والله لو نتبع من الناس زلات
لا غير نبقى بالمجالس وحّدنا

لكن نصد ونحتفظ بالعلاقات
ونبقى على الخوه ونوفي وعدنا

وصدورنا مثل الفجوج الوسيعات
وعن الدروب الغانمه ما ابتعدنا

.....

ياما بذرنا الطيب في راعي الطيب
وفي جاحد المعروف ياما بذرنا

ولا عندنا للي جحدنا مطاليب
قد جاه من جوداتنا ما عذرنا

.....

يا صاحبي صبرك ترا الدنيا كفاح
‏محدٍ علي وجه البسيطه مستريح

‏اللي يبي القمه ومكسور الجناح
‏واللي علي القمه وخايف لا يطيح

.....

كانك تبي الرزق خلك صافي النيه
‏لا تجعل الخبث .. في نيتك متخبي

‏الشخص إذا نيته .. عوجا و ملويه
‏لو وش يسوي مهوب موفقـه ربي

.....