اخترنا لكم شعر نبطي وفصيح

اقفل على سرك بخيره وشره
تسلم من العيات فالخير والشر

.....

البشر يظهر مداها بعد مده
لا تغرك في الرخا روح التفاني

ما تخفيه الصدور سنين عده
تكشفه بعض المواقف في ثواني

.....

قامت سنين العمر تمضي عجوله
‏انا غفلت وراح من عمري اعوام

‏اللي تقول البارحه , صك حوله
‏واللي تقول امس الضحى كملت عام

‏بحل ياصرف الذهب والعموله
‏الصرف صرف العمر من بنك الايام

.....

للصداقه وجهٍ ابيض ومنهاجٍ نظيف
‏والمعارف فيهم اشخاص صايبهم بلا

‏كل يوم نعدّي الي مثل حد الرهيف
‏وانتغاضا لين بانت على عيون الملا

‏ان طمرنا زلة اللاش ضوى له رديف
‏ون لطمنا الخشم تزعل معارف وزملا

‏الردي يومي براسه مثل راس العسيف
‏وان تـنصيته لحاجه ينصيك الخلا

.....

اضحك ترا الدنيا لها ايام وتروح
‏لاتشيل هم الوقت من فوق راسك
‏
‏ومن زعلك قل له تراك انت مسموح
‏سَامح مادام ان العفو من صفاتك

.....

ماعاد تسوى حياتي شي عقب امي
‏العين متضايقه و الكبد مندبله

‏ان قلت ابنساك ياللي شايله همي
‏كود المصلين تنسى موقع القبله

.....

‏جعلنا مانفقد الطيّب اللي مايبور
‏لا جفانا بارد الوجه عباد الريال

‏المحازم فل لكن بعضها ما يثور
‏الله لا يخلي من اللي محازمهم ثقال

.....

‏يابوي مالي في حياتي مطاليب
‏رضاك عني غايتي وامنياتي

‏يا تاج راسي يا معلمني الطيب
‏يا عزوتي يا هيبتي يا غناتي

.....

‏الحظ ماهو حظ من يملك المال
‏الحظ حظ اللـي تمّسك بدينه

‏الخير في قلبه توّثق ولا زال
‏وبعد رضا الله مرضيٍ والدينه

.....

‏المرجله صعبه على طافي النار
‏ما كل من يبغى المراجل قدرها

‏احدن عزومه قاصره عند الاخطار
‏واحدن عزومه بالخطر ما ذخرها

.....