اخترنا لكم شعر نبطي وفصيح

‏يا عاشق الدنيا تراها محطات
تعيش في ديـره وتفنى بديره

لا ياخذك طرد الهــوى والملذات
اذكر محطات الحياه الاخيره

.....

لولا الحيا ومجامل الناس للناس
‏مادام ودّ ولا أستمرت علاقة

.....

الله يـا وقـت الـشـقـا بـ الله قـلي وش تـبا
مـا جـيت ادور للـبقا في ارض ما فيها حيـاه

لكـن يـا مـاضـي مضـا بـالله قـلي وش بقـا
من كبر طعنه في القفا من بعدها جات الوفاه

.....

يالله رجيتك ما رجيت المخاليق
ولا بذلت لغير وجهك وسيله

يا عالمٍ سر الصدور المغاليق
ياوذا العفو يا ذا الكرم والفضيله

يا فارج الكربات والهم والضيق
لا صار ما بيدين الإنسان حيله

خذني من دروب العنا للتوافيق
وحقق لي احلام السنين الطويله

.....

لا صرت طيب قالوا النآس مسكين
ولا صرت في حالك تجيك المصايب

يعني لو البس لي مع النآس وجهين
واصبح منافق يكثرون الحبايب

.....

مانلتفت للحذفة اللي من اخلاف
والاننشد اللي شافها من حذفها

وان جاء يعلمنا بها واحد شاف
نقول حذفة جنبت عن هدفها

نغضي عن الزلات من كل الاطياف
واصدورنا يتعب بها من وصفها

ونهتم بعلوم المطاليق الاشراف
والا سواليف الرخوم انعرفها

.....

نرفع تحايانا لقادة وطنا
اجمل وطن فالكون واجمل قيادة

المملكة من حل فيها تهنا
الله جعلها مركزٍ للعبادة

لو تنعق الغربان منا ومنا
نعيقها يزيدنا امن وسعادة

اسماء عرب لكن ما هم بمنا
ابن العروبه ما يخرب بلادة

دام عزك ياوطن

حسن الثقه ذنبي وعيبي هو الطيب
مــــا يطـلـع الطــفــران تاجر عباره

لين إتضح لي دون شكٍن ولا ريب
إن القــناعه كــنـــــز واكبر تجاره

العمر يمشي والبـشـــر تفــقد الطيب
والعيش لحظه فـي التجافي خساره

.....

روح كمل غيضتك مابيه حيل
ومالي خلكك لو يوصفونك دوه

من غيابك خاف حسبالك عليل
لا بنعمة وخير واشتم الهوى

ولو يطلعن بالظهر نجمات ليل
وحتلو طلعن فلا نرجع سوه

ولا تكمل غيضتك مابيه حيل
وي كطعتك ينكطع عني الهوى

تعلعلت روحي بغيابك والكفيل
انت عافيتي ورحت وانت الدوه

كمت اركز عالظهر حسبالي ليل
ولا اميز نجومهن صارن سوه

شعر عراقي

‏اللي يرخص قدرنا كيف نغليه
‏واللي خذلنا ما نثمِّن وقوفه

‏لا ضاعت الهقوة وخاب الرجا فيه
‏لو هو بجنب أكتافنا ما نشوفه

.....