اخترنا لكم شعر نبطي وفصيح

‏َعليك السلام ورحمة الله والرضوان
‏يا قلبٌ تعب واخفى عن العالم اوجاعه
‏ㅤㅤㅤㅤㅤ
‏يذوق الالم ومكابد الضيق والّاحزان
‏ولا يشتكي لو تلوي الضيقه ذراعه
‏ㅤㅤㅤㅤㅤ
‏توشح بصبر ايوب والصمت له عنوان
‏ولا غيرت ضيقات الايام باطباعه

.....

يا الله رجيتك ما رجيت المخاليق
ولا بذلت لغير وجهك وسيلة

يا عالمً سر الصدور المغاليق
يا ذا العفو ياذا الكرم والفضيلة

ياوفارج الكربات والهم والضيق
لا صار ما بيدين الانسان حيلة

خذني من دروب العنا للتوافيق
وحقق لي احلام السنين الطويلة

آمين

الجمايل سلف والوقت يتغير
والنشاماء بفعل الطيب مذكوره

نعلبو من فسل في الجيد وتعذر
يوم حوله ضروف الوقت معصوره

ما درا ان راعي الجودات ما يخسر
كاسب الجود دايم ما عرف بوره

.....

يازين لاتكشف لسترك انا اعنيك
طاعة لمن ابدع لخلقك وصانك

قدرك في الحشمة وعزة معاليك
احذر هوى نفسك وغدرت زمانك

.....

كل على نيته والناس مختلفه
واللي خلقها هو اعلم في نواياها

لا شك تدري بدرب الحق وتعرفه
لا ترهق الروح في زحمة خطاياها

النفس لامن تمادت شف لها صرفه
اهل الهوا شف هواها وين وداها

مع اغلب الناس بالك ترفع الكلفه
تموت بعض البشر ما تكسب رضاها

.....

‏ناس على قل الوصل حيل تغليك
وناس مقابلهم عمر يكرهونك

بعض البشر مهما هملته يراعيك
والبعض لو تعطيه عمرك يخونك

.....

يارب نفسي تزعلني وترضيني
‏بين الملذات والطاعات منشطره

‏انا موحدّك لو قصرت في ديني
‏اسوي الذنب لكني على الفطره

‏يارب طالبك ترزقني وتهديني
‏والستر والعافيه والسيرة العطـره

آمين

ما دام الله الرازق ما دون الكريم سياج
على الله مداخيل العباد ومخارجها

فلا يا مبدل ساعة الضيق بالإفراج
عليك النفوس بضيقها وانت فرجها

آمين

تخطي علي واستسمحك واترجاك
ضعفي هواك وفطنتك ماتخونك

المشكل اني كل ماجيت ابنساك
فكرت نفسي كيف ترتاح دونك

وماظن لا هذا ولا ذا ولا ذاك
واللي سمعت بذكره يعوضونك

تدري اني اعشق فيك شامل سجاياك
زينك وشينك وفي قساك وليونك

واني متيم في محاسن محياك
وتعرف علي وشلون سلطة عيونك

تامر على موقها الموت هذاك
واطاوع امره قبل ترمش جفونك

رديت قلبي عنك لاشك هو جاك
وجيتك معه راضي بمقبل طعونك

ارجع اقول اهواك واهواك
وبكيفك اتعذب لكن بهونك

.....

حاربت كل الناس من شان وصلك
وشفتك معاهم قايد الصف والجيش

اي والله انه من عشق شخص يهلك
وبالأخص الشخص ذا عاد به طيش

.....