اخترنا لكم شعر نبطي وفصيح

اشتقتُ إليكم فما ضاعت مودتكم
وما أرتضينا لغير الود عنوانا

يامن زرعتم في قلبي محبتكم
وصرتم في قرار العين سكانا

جعل الله جنان الخلد موعدكم
وعلى الأرائك متقابلين إخوانا

جعل الله شهر رمضان مباركاً لكم
وبلغكم رمضان عاما بعد عاما

.....

‏شـهر رمضان اللي به الروح ترتاح
وفيه الشـياطين بسلاسل تسلسـل

وقـته ثمين وفيـه للخــير مفــتاح
لا تـهـدره مابــين نــوم و مسلسـل

أشفق على اللي وقته بـهاتفه راح
مــرات يســتقبـل ومــرات يرسـل

هذي تراها فرصـه لـجني الأربـاح
احذر عن الطاعة تقاعس وتكسل

علي الفزي

رضا البشر ما هو بـ آيه منزله
‏خل العقول الطايشه في طيشها
‏ٰ
‏احيان تفكيرك يحل المشكله
‏واحيان حل المشكله تطنيشها

.....

اساير الوقت وظروفي تجي عكسي
‏ودي أعيش العمر مرتاح ومحايد
‏ٰ
‏محتاج اضبط علاقاتي مع نفسي
‏احدها لـ الرخا و تعانق الكايد

.....

صنايع المعروف بين الكريمين
‏صناعةٍٍ ياحيها من صناعه

‏والرجل لولا الطيب والجانب الزين
‏ماصار قربه للنشامى طماعه

.....

حنا طوال وجيه ونفوسنا عزاز
‏وأقدارنا بأمر الولي سيّرتنا
‏ٰ
‏نعتاز يوم ويوم نفزع لـ معتاز
‏تومي بنا الدنيا ولا غيّرتنا

.....

خل البشر تذكرك بالخير والطيب
‏السمعه الزينه رصيد وغنيمه

‏إن جيت تلقى المسهلا والتراحيب
‏وإن غبت تمدحك النفوس الكريمه

.....

علمتنا الظروف وفهمتنا السنين
‏من دخل فالحرايب يحصد المذبحه

‏لا تصدق سياسي لو حلف لك يمين
‏ينقلب في دقيقة لحظة المصلحه

.....

اليوم لا عاد تستغرب ولا حاجه
‏لو بار فيك الخوي الصادق الخيّر

‏كم واحدٍ غيّرت الايام منهاجه
‏وانا احسب إن الكفو ماهو بمتغيّر

.....

‏لو تحترمني هات لي بس ثنتين
هات الصراحة لي وهات اهتمامك

وان كان في قلبك للحب شخصين
آآسف نضامي يختلف عن نضامك


.....