اخترنا لكم شعر نبطي وفصيح

‏عسانا ليا جينا نجي بالمقام الذرب
وعسانا ليا غبنا .. غيابٍ على هيبه

.....

صار الوفاء في ذالزمن كرت محروق
وصار الرفيق اليوم يغدر رفيقـه

الوقت ما يرحم ولا يعطي حقــوق
والحظ ميت والحقيقـــه غريقه

عندي خبر حصري حقيقي وموثوق
وعندي عليه أوراق وعندي وثيقه

تريد تصير انسان في قمة الـذوق
أكذب ونافق لا تقول الحقيقــه

وتريد تكون أنسان تافه ومطفوق
أصدق وتصغر في عيون الخليقه

فتى الجوف

‏ماكنت أقصر فيك من كثر الإعجاب
‏يومك تساوي عندي الكون كله

‏كنت القريب وكلهم كانوا أغراب
‏حتى القمر لاغاب شفتك محلّه

‏خلاص لا ترجع ترا خاطري طاب
‏الخاطر اللي كنت عايش بظله

‏رح واعتبرني واحد أذنب وتاب
‏ماني بثوب تلبسه ثم تملّه

‏مايجتمع بالحب صادق وكذاب
‏رزقي على الله وأنت رزقك على الله

فتى الجوف

بيني وبينك الف حاسد وشمات
‏والناس تكشف شي اسمه اشاعة

‏لكن تحاكوا ما تحاكوا سلامات
‏انت لحالك في عيوني جماعة

.....

اثـر الغــلا لاخـالط الـروح بلوى
ياويل حال اللي دخل قلبه انسان

ان صد عنّه عاش من دون سلوى
وان واصله دايم من البعد قلقان

.....

ما كتبت الشعر من شان الاعجاب
حروف شعري كلها نبض واحساس

اكتب غزل اكتب حزن اكتب اعتاب
واحساس قلبي دوم للشعر مقياس

اقطف من ارياض الهواجيس ما طاب
وانثر حروفي بين حبرن وقرطاس

.....

خـذلك نصيحه مـــحكمه وسط البيات
وفـــهم مـــقالــــي لاقـــريـتـــه وريــــتــه

احـــمد إلاهــك وشكـــره كــــل الوقـــــات
واســتــغـفــــر الله لا بـــشيئاً عــــصيــته

راجــــع حــــساباتك مـــن الذات للذات
ووزن كلامــــك واحـــّكـــمّه لا دليــته

ودي فــروضــــك وعبــــد الله ســــاعـــات
ون ضــــاق حــــالــك يــــسّره لا دعـــيته

يا خـوك فــــــي الدنياء شربنا المــرارات
قيــــدت نفســــي بالصـــبّر وحـــتويته

كل الزمن ضيِقات ضيــِقـات ضيِــقـــَات
درب القــــدر ورغــــم حـــزني مـــشيته

مـــشيت واحـــزاني آهــــات وَاَهــــات
واليئس والخـــــذلان خلفـــي رمــيته

تــــوكلــت عالمـــولا إله البريـــات
ســلمت امــــري لا يـــده ورتــــجيته

عبــرت فـــي وحشه شديــده وضلمات
والحـــزن فـــي صــدري وقلبــي خفيته

كلما رئيت الـنــاس اضــهـر بــــبــســمــات
واضــهر فـــرح بــــرغم مـــانا بـبيته

واتذكـــر الدنياء لحضــــات لحضـــات
وكــــل لحضه مـــن دمـــوعي بـــكيته

اتذكــــر الدنيا وحـــول الــــدراســــات
والعمـــر يطوينــــي ونــا ذي طــويته

احاول ازرع فــي الحشا بعض وردات
مــــن دم قلبي والمدامــــع ســقيته

احاول ارسم في الزمن بعض لوحات
واشـــرح لكـــل النــاس مـــانا عـــنيته

واحاول اسرد فــي مقالــــي حكايــــات
وشــــرح مــعانــــاتــه ومــــانــــا قــضيته

حــــزنـــي رمـــاني في سجل الجنايات
بـــرغم مافـــي شــــي حدث لي وسيته

اوصــــل نهايــــه تتضح لــــي بـــدايــات
وكــــل لحضه مـــن جـــديـــد ابتديته

مـــــاكنت احــــسب للكـــلام الدعـــايـــات
و كــــل عـــايب مــــا بعـمري غـــثيته

مـــشيت انـــا والصــدق هـيهات هيهات
والـــذيب يعوانـــي ونــــاذي عــــويته

ضليت وافــي فــي جميع المــجالات
وكــــل وافــــي لـــجـــل حـــبه فــديته

استـنشق الامـــــــال واشـــم نفـحــــات
ضهر الجواد والعـــز خيلي امتطيته

احــــزن علـــى الغالي اذا راح او مــــات
امـــا الكريــه مـــانــــا بعمــــري رثيته

واكتب من الاشعار فـي بعض الوقات
وخــــرج مشاعر ذي بقلبي حـــــويته

امــليت مــــن شعري بـــكل السجــــلات
وكــــل مـــنكر لا نـــضـــرته نــــهــيته

دخـــلت بـــحر الحب وغرقت مـوجات
برغـــــم. بحـــــر الحب مـــانـــا بـــغيته

والـــحـــب مـــثل النــار يشوي شوايـات
البعض شــــوق والبعض ياخــوك بليته

والبعض ياخوك مثل سهم الرمايـــات
والبعض مــــثل الشـــهد لــنت اشتهيته

علمت ان الحــــب فيه الســــلامــــات
وكـــل هــــاذا عــــكس مـــــانـــا لـــقيته

لاتنخــــدع ون شفت بـــعض العبايـــات
غـــض النـــضر وســـعى لـــمنته بـــغيته

اوصيـــك لاتــددخــل ببحر المتاهــــات
ارفــــع مــــقامـــك وعتلّـــي. مـعّتليته

والان باقـــي لـــي من القـــول كـــلمات
واسمـــع لـــمـــا قـــلته ومــــانــــا دليـــته

الصــــدق والاخــــلاص والعـــز هيـــبات
والكــــذب مــــن درب النشامـــا رمــــيته

احــفظ لسانـــك فـــي جـــميع المــقالات
ولا تصـــاحـــب مــــن يحــــب الشميته

غــرفــت مـــن بـــحر الهواجيس ابيـــات
وسقيت ضماء الجمهور حـــتى رويته

وختمها تغشى رسول البـــريــــات
مــــحـــمــــد المختار طــــه فــــديته


بلال سعيد الحاج

شتان بين الواقع اللي نعيشه
‏وأحلامنا اللي مثلنا ما تجـرا

‏الحلم من صدرك لحد الدريشه
‏والضيق من حد الدريشه وبرا



.....

تمنيت شي وقدر الله شي وصار
‏ولا لي سوى وجه الرضى لو تصنّعته

... .

احترم مشاعر الناس لو انك تمون
‏ وثمن علومك وكلمتك حطلها وزن

‏لا يغرونك لو يسولفون ويضحكون
‏ اغلب العربان شبعانه هم وحزن


.....