اخترنا لكم شعر نبطي وفصيح

مشكور ياالي تقدم لي تحياتك
مثل الزهر يوم تطرقه الشمالية

عطر الخزاما يفوح ومنبعه ذاتك
نوعٌ من الورد لأهل الود ماريّة

تحيةٍ لك تزورك كل ساعاتك
وتبشرك بالفرح باقات وردية

.....

‏هي مذهله بالوفاء وبطيبها مذهله
‏مافيه منها بطيبتها سوى ذاتها

‏بالذوق واخلاقها من شافها تذهله
‏في إبداعها في تعاملها وروعاتها

.....

‏لـو كان كلمة أحبك تختصر دربك
‏رددتـها بالمساء والـصبـح لعـيونـك

‏بس الحقيـقـة غـلاك أكبر مـن أحبـك
‏وأكبر من الشوق بين ضلوع مجنونك

.....

جور الزمن مشكلة يا حضرة القاضي
والوقت مابين ضيق الحال والفوضة

والحاضر اليوم يتألم على الماضي
والعيشة القاسية بالغصب مفروضة

حاولت إركب لعيني طرف متغاضي
بس الحقايق أمام العين ملحوضة

فتى الجوف

أغليــــه لو إنه بعيدٍ عن العين
دام المشاعر في غرامه رهيـنه

الحب عند الناس كلمه وحرفين
والحـب عـندي له معـاني ثمـيـنه

.....

النفس محتاجه رضا الرب عنها
ماهي بمحتاجه لعطف المخاليق

والنفس خيل ومن يمهل رسنها
جابت عليه الهم والغبن والضيق

فتى الجوف

ياغــزالً فـيه مـن لـون الصـحـاري
جــل شان اللي عطــاه الـزيـن كله

قلـبي اللـي كـان مايعـرف طـواري
ماحــدً غـيـرك مـن الأضــلاع شـله

مع رجاوي رجـعـتـك طال انتضاري
وانتـضـار الـغـايـب الـمـوجـــود عله

ياوليفي قـبل ماانا انفـض غــباري
التغــلي والــزعـل والـصــد خــله

لامـتــى وانـا ارتـجـي رد اعـتـبـاري
الشـجـاع اللـي ماذل، الـشــوق ذله

والـقــمـيـص اللـي يبـله دم ثـاري
بـعـد مـاغـبـتي حنـين الـدمـع بله

مـاتـحـــب الا انـا، واثـــق وداري
بس ليش امال شوقك مضمحله؟

الـسـؤال اللـي مـآخــر لي قـراري
الصـراحه ودي اعرف ويش حله

.....

اما نعيش بعز شامخ علمنا
ولا نموت ولاعلينا حسايف

متولمين بعزنا وان ولمنا
على العوايد لو دهتنا العجايف

ندحم على العليا ولو ماسلمنا
اهم شي نرقا بروس النوايف

من فضل ربي ماحدن قد ظلمنا
وفضل العزايم والسلال الرهايف

نلحق مناوينا وذي به حلمنا
والوقت مايلحق صروح النجايف

افعالنا ماتختلف عن قلمنا
يشهد لنا تاريخنا والصحايف

.....

من يلوم القلب لامنّه تباها
في كبير الجاه شيّال الثقالي

ما بقى قمّة مفاخر ما نصاها
راقيٍ شمّ المراقيب الطوالي

لا أدرك الصعبة يجيب اللي وراها
ثم سنّدها على روس المعالي

كيف ما اغترّ دام أنا عيني ملاها
اللي مزوّد مع غروري دلالي

.....

وين اروح من الشعور اللي كثير اسالته
‏دام اشوف الواقع يضيّع جميع اوهامي

‏والله إني قد عطيتك قلبّي ودللته
‏لـ الطريق اللي من يُمره يعوّد ضامي

‏الحمّل لو ماقدرت إني اشيله شلته
‏والعُمر ما عاد يسوّى لا خسرت أحلامي

‏الكلام اللي اخاف إنك تقوله قلته
‏والوداع اللي يضايقني حصل قدامي

.....