اخترنا لكم شعر نبطي وفصيح

ما طاب جرحي بس خاطري طاب
وما عاد باقي شي اضحي عشانه

دخلت من باب المحبه والاعجاب
وطلعت من باب الجفا والندامه

.....

‏يالله لا تجعل حاجتي عند مخلوق
يا من تعيش الخلق من فضل خيرك

يا مفرج الضيقه على كل مخنوق
ما قد سمعت يفرج الضيق غيرك

.....

ثنتيـن يـعـطنـك مـعـزه وتـقـديـر
دينـك وفـعـل الـبـر فـي والدينـك

وثنتين لو طال الزمن ما بهن خير
هـرج القـفا ومجاملـة مـن يهيـنك

.....

‏يا واحد جابك اللّه حلم واعجوبة
‏الأرض ما تليق بك خذ موطنك صدري

‏قبلك حياتي ترى ما هيب مرغوبه
‏وشلون جدد وجودك رغبتي مدري

‏عن عيني الناس ملغيّه ومحجوبه
‏ما اشوفك إلا سماي وكلهم حدري

.....

‏مرحبا ياغاية القلب وأقصى منتهاه
‏ريف قلبي جعل عُمري معك ماينتهي

.....

ما أجمل الدُّنيا إذا كُنَّا معًا
فالكونُ كُلُّ الكَونِ لا يعْنِينِي

.....

لا تستحي قلها ترى القلب مشتاق
قل لي احبك واكتبك في قصيدي

وارسمك صورة بالشرايين تنساق
وانقش بحبك يالغلا في وريدي

.....

في ساعة الشده تبين الأجاويد
ويظهر بوقت الضيق راعي الشهامه

ومن عود اليمنى على الطيب تعويد
يفرض على كل الوجود احترامه

.....

أضحك ولا تزعل وعدل مزاجك
وأفرح ولا تيأس ترى العمر فاني

خلك بها الدنيا طليقٍ حجاجك
دنياك مادامت لقاصي وداني

والصبر خله بالشدايد علاجك
وأبذل سبب وأترك كثير الأماني

والهم خله لا يثير أنزعاجك
خلك صبورٍن لو حداك الزماني

.....

ان طاولك ليل الغرابيل وازريت
وضاقت فجوج الارض والهم واجد

وعن منة الخلان صديت واقديت
وخيول بقعا في ضلوعك تراجد

لا تشتكي للخلق لو بحت وابديت
ما في يدين الناس فزعه وناجد

يمم شتاتك للولي لا توضيت
رب عظيم الشان خلاق ماجد

واخضع لوجه الله ليا منك امسيت
في حزة فيها الخلايق هواجد

تلقى الفرج لا من بدمعك ترجيت
ربٍ يشوفك في دجى الليل ساجد

هذي هي السلوى ليا عشت وافنيت
وراحة خفوقك في صفوف المساجد

.....