فوق هام السحب ( الشعر الشعبي) على متن القوافي

خوة عزيز الأصل تبقى كما الشيك
حتى لو انه عن ديارك تنحئ

وخوة خبيثين الطبوع الصعاليك
اقصر من مفلى الغنم فالمضحئ

واللي عشان المصالح يخاويك
اليا انتهاء منها بصحبتك ضحئ

وياللي ابليس مفشخ بين أذانيك
قلبك عليه ستار ماتنتصحئ

بالهرج تقفاني وتنفخ علابيك
هذي رجوله لعنبووو ذا الملحئ

انا ليا مني بغيت الهرج فيك
هرجت باللي فيك وأذنك تووحئ


.....

ياراكب اللي ركوبه يبرد الغلي
ايقرب البعد والنصاب ينصبه

لكن أنا بس شاريه بلزومن لي
ماني بناصب عليه ولا اتكسبه

ماله حلي بالوصايف يوم ابحلي
يعجبك وصفه وتحتار وتعجبه

يأخذ من الصقر فوق الوكر ويخلي
وإلا الفحل من هديره كل ماقبه

مافيه مسمار متراخي ومنحلي
ولا نيش بدية بشاكوش ومرزبه

آليا تمعنت بخطوطه ايخلي
صفة سنابل شعير فاخرن حبة

صناعة اللي ماعمره قال ابصلي
مازار مكة ولا عمرة طلب ربه

آليا مسكت الفرامل ما درج ملئ
يجمد على القار قبل يولع اصطبه

واليا تكفف ظلام الليل متجلي
البدر كنه سنا نار ن وراء تبه

صليت لي ركعتينن مخلصن للي
ينجي غريق البحر من حومة الغبه

دقيت سلفه لاعل الله يسهل لي
ومريت راع الوقود وقلت له عبه

رح لطرمبه وشغلها وحط اللي
ألين يرجع عليك الزود ويكبه

إلى الرياض العجيب عيار عصملي
ماني مطفئ اسويكه قبل ماطبه

قعدت أغني وشكمانه ايمولي
على مرادي تلحن صوته الدبة

لاقام يطوي الخرايم طويت الزلي
ودك ادنق على الطبلون واتحبه

أبي رفيقن على الشدات صافنلي
أكره معاديه وأعلن حب من حبه

له منزلن في ظلام الليل يندلي
ناره على العز والنوماس مشتبه

ايناطح الضيف بالترحيب ويهلي
من يوم يقبل على بيته ايرحبه

قرمن برأيه ايعقد الحبل ويحلي
يحسب حسابه ويحسب له ويحسبه

لاعل يمناه ما تنعاق وتشلي
مع طول الأيام ماتكواء على الصبة

يا منيف عن وضعي اللي قلت لك قلي
ابطيت يامنيف وأنت تقول ابتعبه

واليوم هذا شهرنا العام قد هلي
وأنا احسبنه يجئ ساعة اتطالبه

لا كن كأنك عن الموضوع
متخليالله يعافيك علمني وش السبة


.....

نسائـم ازهــار المــــودة تــناديك
تستأذنك لحظــة تـقبــل جفونك

والورد تتمايــل غصونــه ويأتيك
ويفوح عطره لجل خاطر عيونك

والشعر يتــألــق بحضـرة معاليك
والقلب يعزف بهجته من لحونك

رب الخلايق يــا مهذب يخــليـك
وفي حياتــك من بلاها يصــونك

‏‌ والله ودي ولا ادري كيف ابطلبك ودِي
‏ودِي ولا ادري كيف ياصلك ‌بوحي

‏‌ سدي فتح لك باب واعطاك سدي
‏عقد انتثر لك والجـواهر تلووحي

‏صغر البيوت وكبرها .. مالها دور
‏من ناحية طيب الرجال ورداها
‏
‏كم بيت يا كبره .. من الناس مهجور
‏من قل ما تلقى كرامة لحاها
‏
‏وكم بيت يا صغره .. وبالناس معمور
‏اما غداها فيه .. والا عشاها
‏
‏‌ لافي حمود الغيداني

لاصار طبعي يابيض الوجه ..دماح
‏لاتحسب اني ميت القلب والروح
‏
‏بعض الخطايا موجعه كنها رماح
‏وبعض الخطايا تاخذ شوي وتروح
‏

‏بينك وبين الخلق تكفيك الأخلاق
‏وبينك وبين الله صلاتك صلاتك
‏
‏الأوّلة تفتح لك آفاق وآفاق
‏والثانية معنى لـقيمة حياتك
‏
‏

انا يا ولد رجال يقنيني المعروف
رعى الاوله يسلم من يدي ولساني

ولو يخطي وكل اذن تسمع وعين تشوف
هو الطيب الاول وانا الطيب الثاني

ضعاف الروابع ما يخلون شي يطوف
وانا اجنب امن الضايعة واتعداني

صدفني من صدوف الزمان العنيد صدوف
وعنز لي الي تسمعه يوم حاكاني

فاذا قال لي كلمة تراها ثلاث حروف
ولا نزلت قدري ولا قللت شاني

عسى الوقت ينصفني واحط الجميل نصوف
ويبشر لما حده زمانه وناداني

انا الظاهر البين وانا الشاعر المعروف
وهو الجاني الي عاده يزبن الجاني

سمعناك واقطع واردك بس يا الملقوف
هو الطيب الاول وانا الطيب الثاني



عبدالله بن مجحود

ألا ياتل قلب تل من تل اليدا كلّه
تمادى يلقط المحّار في غبّات الأهوالي

يتل السّيب وأمهل له ياليت السيب ما أمهل له
على ماقيل يبغي المال وارخص عمره الغالي

تعرض له بوسط القوع جرجورٍ ضفا ظلّه
بغى عنه المراغ ولاحصل له حيل يحتالي

تشقلَب وانقلب له ولهبه لاشك فطنٍ له
اله ينظر المخلوق من سابع سماً عالي

عجب له يوم صاح وْ ثالث الجرجور عن حلّه
ونتل حبل السبق والسّيب جاب الغيص فالحالي

وْشَهق عند الطلوع وْطاح من جرجور من ذله
اخذ مقدار لايبصر ولايشعر ولايْسالي


....

انا تل قلبي تل شاصً مع المغباش
يتله عديمن باغين دار مضنونه

حذف غترته من حر نارٍ بوسط الجاش
حداه الغلا لين اوصل الجيب طبلونه

سمع له طرف علمن هو عاته شواش
ولو شاف موته دونها دونها مايردونه

من اللي على شانه نبيع العمرببلاش
لوان العرب عن نازح البعد يهونه



....