اخترنا لكم شعر نبطي وفصيح

خل البشر تذكرك بالخير والطيب
‏السمعه الزينه رصيد وغنيمه

‏إن جيت تلقى المسهلا والتراحيب
‏وإن غبت تمدحك النفوس الكريمه

.....

الرّقاب منكّسة واللحى تقطر دموع
‏والحزن خيّم على صدورنا واحتلها

‏يوم صلينا الصلاة اللي مافيها ركوع
‏كني مصلي على امة محمد كلها

.....

من عاش في ضل الرياجيل مسكين
حاسو مريره وافقدوه احترامه

أن كان منت تعيش رجلٍ حمر عين
اصبحت من ضمن الهلايم هلامه

.....

الله هو اللي وزع الرزق بقياس
ومن دنيتك ما تاخذ الا نصيبك

ان زاد رزق الناس لا تحسد الناس
الله حسيب الناس والله حسيبك

.....

مالله بحادينا على بعض الأشكال
‏واسرارنا ضيم الدهر ما فتشها

‏حنا رجال ونشتري خوة رجال
‏ما نلتفت فاللي تلوي خششها

.....

ما يزيد جروحنا غير جحّاد الجميل
‏لو عطيته كل دنياك ما يثمر معه

.....

‏العمر رحلة ضيق وأوجاع وأحزان
‏نعيش حالة حرب في عالم السلم
‏
‏الليل نبني قصور ونعمر أوطان
‏والصبح نلقى السالفه كلها حلم

.....

‏ناسٍ من الطيب تلبسني قلايدها
‏وناسٍ من حقودها كن ودها قتلي
‏
‏يالله عسى الناس طيّبها وحاقدها
‏كلٍ له اضعاف ما نفسه تمنّت لي

.....

جرحٍ عطيبٍ وازرق الدمع كاوي
وليل الشقى يضرب على خافقٍ باد

جرح الزمن اصبح لقلبي مخـاوي
مثل الرفيق اللي عن الدرب ما حاد

اسير قلبي في همومـة شقـاوي
كنه سجينٍ سيـق للمـوت منقـاد

لا عاد له ضحكٍ ولا لـه غنـاوي
ولا له مع العالم تباشيـر واعيـاد

بين الضلوع يجر صوته خـلاوي
يغني اجروحه شقى هم واسهـاد

وش حيلته لا صار طيـره نـداوي
والوقت جايـر والمخاليـق نقـاد

.....

‏صبرنا على الحاجه وعشنا عزاز نفوس
وحفظنا الكرامه دونها ما تنازلنا

دعسنا على الدنيا على شان رفع الروس
ربينا على سلم المعزه وجاز لنا

هدفنا من الدنيا نبي نكسب الناموس
على سلمنا وسلوم اهلنا ولا زلنا

وفي الاخره يالله في جنة الفردوس
عسى جنتك ياربي اخر منازلنا

.....