اخترنا لكم شعر نبطي وفصيح

ان جيت خل الكل يفرح بلقياك
محبوب عند الناس ويقدرونك

وفي غيبتك خل الجميع يتحراك
مثل المطر كل البشر يحترونك

.....

خطاك عند اللي يحبونك صغير
‏قبل إتّعذر عندهم يعذرونك

‏ومن يبغضك لو تفرش القاع نوّير
‏أدناة غلطة بحقهم يفضحونك

.....

المعارف بعضها ماعاد فيها طمعه
يحسبون الطيب هيّن والنعم مجاني

خابرين اللي يحبون الحكي والسمعه
لا مدحنا واحدٍ منهم يضيق الثاني

.....

لا اصبح عليك الصبح آمن ومرتاح
والجسم طيب والجوارح سليمه

تحمد الله فانت من ضمن الأرواح
اللي نعم ربي عليها عظيمه

.....

البيت لا منه فقد صوت شايب
به نقص لو إن أهل البيت هلو

من يرتكي للمعضلة والنوايب
ومن يدرج فالبيت ويقول صلو

.....

حنا الامور الصغيرة مانكبرها
وانفوسنا عن دروب الشك نحداها

نجلس مع الناس مانجرح مشاعرها
ونعامل الخلق دايم حسب مبداها

أصحابنا اللي تقدرنا نقدرها
لعيونها نرخص الغالي ونفداها

واللي على الهينة ترفع مناخرها
نمرها فاالمجالس ونتعداها

ضاوي الحافي

‏أحدٍ يغث الكبد قربه وطاريه
وأحدٍ على بعده تهلْ العباير

وأحدٍ ما تلقى منه غير المشاريه
وأحدٍ ما تلقى منه غير الـبشاير

.....

يا صاحبي وضعك ما هو جايز لي
تضحك وانا ذيب العذاب يعوي لي

جريتني دوبك وانا اقرشت كلي
إقراش بيت اللي نوو بالرحيلي

.....

أبشرك جرحك ثمن غلطتي فيك
ولا انت ما تجبر على حبك انسان

اليوم لا بشتكي ولا بندم أبكيك
فعلك مضارع بس حبك خبر كان

على نجاح الدور والفلم أهنيك
أنا أشهد انك كنت بارع وفنان

.....

لو تدري الدّله عن العيب والطيب
ما تقبل الصبّه لبعض الأوادم

.....