اخترنا لكم شعر نبطي وفصيح

أول بدايات المشيب التجاعيد
‏واكبر دلالات السقوط البلاده

‏واللي يسجل في سجل المواليد
‏بكرة يسجل في وفاته شهادة

‏ما للمهام الا الرجال الصناديد
‏ولا يلام المرء بعد اجتهاده

‏وصداقةٍ يلحقك منها مناقيد
‏مثل الذنوب المحبطة للعبادة

.....

يا الله اغفر ما سبق من كل ذنب وما توّخر
‏ما طلب عبدك رضاك ومغفرتك الا مخافه

.....

‏قاوم الايام بـ العزم .. واصنع لك مكان
‏الزمان الصعب .. لا شافك تقاوم جلس

‏وانتصر لـ الحظ ما ينخذل غير الجبان
‏اللي يسولف عن حظوظ غيره ويهلس

‏فرحتك بـ الانتصارات رغم انف الزمان
‏مثل فرحة جيش طارق بفتح الاندلس

.....

حتى لو الارض ضاقت فيك خلك ضحوك
‏و احرص على الواجبات وخل صدرك ديار

‏لا صرت راعي صلاة ومرضي امك وابيك
‏لا ضاقت الارض تضرب راسها فـ الجدار

.....

‏لا تفني اعمالك على القيل والقال
‏لا درهمت بك ضايعه ضعت معها
‏
‏من يجتهد ف الخير في كل الاعمال
‏ويشذب قفى اللي كلمته ماسمعها
‏
‏مثل البخيل اللي جمع روس الاموال
‏يفرح بها لا مات من لا جمعها

.....

عيني اللي كل ما مسّ الظلام عبآته
‏ما يواسيها من الضيقه سوى دمعتها

‏وقلبي اللي ما لقى حيٍ يلّم شتاته
‏كل ما امّل فـ الليالي عجلتّ صدتها

‏من يعيش العمر في ذكرى زمانٍ فآته
‏والله لا يبطي و نفسه ما برت علتها

‏العمر تمضي سنينه و الفرص فواته
‏ومن تفوته فرصةٍ بـ يعيش في حسرتها

مابه احدٍ جاته الدنيا على مشهآته
‏لو يصعّر خده و يمشي على جرتها
‏
دام ربي باسطٍ لك فضله وخيراته
‏وش تبي بـ الحاجه اللي منت في حاجتها
‏
‏وكلّ امرك لـ الله اللي نرتجي مرضاته
‏لا تعلّق فـ الاوآدم حيّها وميّتها

‌‏النفوس المحّق واهل اللوم والشمآته
‏كان ما ضرّت عيال الناس ما سرتها

الرخوم اللي تحزمّ فـ الرخآ و اوقاته
‏عدّها في ساعة الشده مثل قلتها
‏
لا تصير اللي مع العالم على نياته
‏خلك اللي يفلج اهل الكلمه بـ كلمتها
‏
‏واحدٍ عند الشدايد ما تدور رحاته
‏ما يجي من سآدة ربوعه ولا قادتها

و شاعرٍ ما يدمج الابدآع وسط ابياته
‏يترك الساحه ومن فيها على راحتها

.....

تعبنا على العلياء وجزنا من المذموم
‏ونطحنا الصعاب بعزم وصدورنا طربه

‏ومسكنا وصات الشايب اللي عداه اللوم
‏يبينا على دربه ، وحنّاا على دربه

‏راعي وقفةً تندى لها جبهة الشغموم
‏وراعي فزعةً باسبابها تنفرج كربه

.....

كل البشر فيهم من الطبع نسيان
حتى المريض إن طاب ينسى طبيبه

واللي عطيته من وفى الروح شريان
بكرة يمرّك.. ما كأنك حبيبه

هذي هي الدنيا متاهات وألوان
فيها القريب أحيان ينكر قريبه

لا تنصدم لو خانك فلان وفلان
الوقت يكشف كل خافي يعيبه

وازرع جميلك لو على غير عنوان
ما ضاع عند الله فعلٍ تسيبه

.....

رفقتك مثل الذهب بالهون والشده
‏ماتختلف بإختلاف العالم الحآلي

‏غيرك إليا غاب ما حسبه ولا عده
‏وإلا إنت غير البشر دايم على بالي

.....

تذهب كنوز الحياة وزيفها الفاني
‏ولا يثبت الا كنوز الحق والسنّة

‏إصنع من أيام عمرك عمرك الثاني
‏عساك إذا متّ بكرة تدخل الجنّة

.....