اخترنا لكم شعر نبطي وفصيح

البارحه زعلان مدري على ويش
‏يمكن من الحرمان ولا محطم

‏لا والله الا ضيقو لقمة العيش
‏البنت تكشف والسنافي يتلطم

.....

دلل حبيبك ، وافهمه ، واعتني فيه
‏وفي كل موقف حط نفسك مكانه

‏تبسم بوجهه ، ورحب بطاريه
‏واحفظه في قلبك سوات الامانه

‏بيع الخلايق كلها لجل تشريه
‏المستحيل الصعب سوه عشانه

‏حبه ولا تسال عن أيام ماضيه
‏ولا تفكر بالغدر والخيانه

‏خل السهر يسرق دقايق لياليه
‏اجمل زمن بيمر عمرك زمانه

.....

مواقف الطيب محسوبه ومشهوده
‏ورجلٍ بلا طيب لا يذكر ولا يحسب

‏واللي كسبها بعرفه قبل مجهوده
‏فعايله طيّبه ومجالسه مكسب

.....

لا تنتظر من ناقص العقل حكمه
‏ولا تنتظر من فاقد المرجله خير

‏ولا يغرك في الردي لمعة إسمه
‏الريش ما طيّر نعامه وهي طير

.....

‏البـارحه والخـيال يعيش فيما مضى
يوم اغلب الناس ما بين الأماني تنام

ما حدني للزعل إلا حــدود الرضى
يا كثر الأشياء في قلبي وكثر الكلام

.....

يالله بـرزقٍ ما سعى فيـه مخلوق
عشـان مـا ياتي وراء الـرزق منّـه

أنت الإله المعتلي في السماء فوق
عنـدك نهـار الحشـر نـارٍ وجنّـه

.....

‏أحدٍ يغث الكبد قربـه وطاريه
وأحدٍ على بـعـده تهلْ العباير

وأحدٍ ما تلقى منه غير المشاريه
وأحدٍ ما تلقى منه غير الـبشاير

.....

خطاك عند اللي يحبونك صغير
‏قبل إتّعذر عندهم يعذرونك

‏ومن يبغضك لو تفرش القاع نوّير
‏أدناة غلطة بحقهم يفضحونك

.....

مـن صـد عني عـنـه ياشيخ ما سلت
‏مالي ورا الناس المـصـديـن شقوى

‏ولو قال بي شذّاب الاعراض ما قلت
‏قصرت عـنـه الـشـيـن شيمه وتقوى

‏مـا دام لـي حـيـلـه صبرت وتحملت
‏وإن قلت الحيلات حـيـل الله اقـوى

.....

عز الله إنا كل بابٍ طـرقناه
‏ما كل ما نرهي عليه ايتهيّا

‏من يبذل المجهود حنا شكرناه
‏اللي ليا جيناه رحـّب وحـيّا

‏واللي من اول للثقيلة ذخرناه
‏ما اقول عيّا لكن الحظ عيّا

‏اللي له اقرب من يساره ليمناه
‏ابعـد علينا من نجوم الثريّا

.....