اخترنا لكم شعر نبطي وفصيح

‏من لا يصلي الفرض ماهو ترا بخير
مدام مـا صلى صلاته ولا خاف

واللي يصلى الفرض من غير تأخير
ان عاش ولا مات ما عنده خلاف

نواف الحريّص

يا فاقدين أحبابكم وش تسوون
لا مدت الذكرى الحزينة يديها

كيف نتجاوز حزننا ما تعرفون
بعض الطواري موجعة مانبيها

دايم على بال المواجع يمرون
مافيه ضحكة مالهم صوت فيها

يا ليتهم عن ضيقة الفقد يدرون
ودروبهم وشلون دايم نجيها

من كثر ما صاروا على البال يطرون
حتى خطاياهم ولهنا عليها

.....

على حلم عمري جاري البحث والتنقيب
ياخوفي يروح العمر في طرد الاماني

انا والليالي نشبه الراعي مع الذيب
مغير يتحرص كل واحد من الثاني

ما اعرف اتشكى للبشر والشكاوي عيب
تعوّدت اشيل احزان الايام وحداني

.....

اهتم في نفسك وبعدين بالناس
‏لا تجبر قلوب البشر وانت مكسور

.....

يالله ياللي ترزق الخلق وتزيد
‏تعطي على قد النوايا طلبها

.....

لا ضاق صدرك اتصل بي وانا اجيك
‏إما لقينا حل والا كشتنا

.....

من لا يعيش العمر سامي ومتغاضي
ما هيب دايم ظروف الوقت خادمته

كنز القناعه غناة النفس للراضي
يعيش دنياه فاهمها وفاهمته

.....

حَبيبتي مَرتّ على بالي يوم
وقفت تقديرٍ لها يوم مرت

.....

بعض البشر لا شاف نعمة حسدها
حاسد ويحسد فالسماء حايم الطير

وبعض البشر لا شاف نعمة حمدها
من طيب قلبه وده الناس في خير

.....

يالله قدرني على الحق والطيب
وازرع بقلبي خصلة المؤمن البار

ويالله جنبني عن الكذب والعيب
ومن الردى والغدر والظلم والعار

.....