اخترنا لكم شعر نبطي وفصيح

‏لا تتعب ورى اللي ما ورى عرفهم نوماس
‏ولا تستحي من ناس مهيب مستحيه
‏
‏لو ان الحيا مثل الشعر في وجيه الناس
‏لقيت أكثر العالم لا شارب ولا لحية

.....

أهل المصالح يا رفيقي كثيرين
‏وأهل النميمه والحسد ما يعدون

‏لا صرت طيب قالوا فلان مسكين
‏ ولا صرت فاهم قالوا فلان ملعون

.....

يا قلبّي المسكين أسمعني و طيع
‏الحب دربه مرّ ولو قالو حلو
‏
‏محد لحد لا تتبع أوهامك تضيع
‏يا كثرهم قالو نحبّك وأرحلو

.....

طـبنا وشـبنا واتـعبتنا المـشـاريـف
والمـرقب العـالي هـبـوبـه عـنيفـه

ويا حظ من لا عرف منهو ولا شيف
ان طـاب يـحمد وان تـردى بكيـفـه

بدر عبدالمحسن

ما عاد ينفع فالشدايد ولد عم
مار الله الله فالدعاء والصلاوات

ماتو هل ابشر وازهل وتامر وتم
ولا الردي لا منه نفعه ولا مات

ماجد العتيبي

خلاص لا ترجع ترانا سلينا
ما كنت أصدق يوم إني بنساك

في غيبتك يا ليتنا ما التقينا
أثر المفارق يمحو درب ذكراك

عشنا وشفنا بالهوى وابتلينا
واليوم ما يعني لي الوصل لقياك

مرت بنا الأيام ليتك تجينا
واليوم عادي لو تطول خطاياك

سهمك غدر بقلوبنا وانتهينا
مالك مكان بوسط قلبٍ تمناك


فتى الجوف

‏الوقت ما يضمن على الزين والشين
والناس فوق الارض جايع ، وشابع

اهل الكلام حدود ( سـبعة مـلايـين )
واهل الفعول نعدهم ب الاصابــع

عز الوفاء موصول من طبعك الزين
يوصل بها من كان صادق ودافع

....

‏لوضاقت الدنيا بها حل وافراج
لابد من عسرٍ يجي فيه تيسير

اشتك على اللي يطلبه كل محتاج
الواحد اللي عنده الرزق والخير

والصبر خله لك طريقه ومنهاج
ان كان تبغالك معزه وتقدير

مولاك يجعل لك من الهم مخراج
الرازق المعطي ولي المقادير

.....

ما جابك العيد قلي شعاد بيجيبك
ياللي ذبحت الحنين بقسوة غيابك

لو تعرف تقدر احبابك فيا طيبك
بس للأسف ما عرفت تقدر احبابك

اصحى وخلي الزمان يعيد ترتيبك
ترا الله يجيب غيرك مثل ما جابك

رح جعل الايام ما تقصر بتعذيبك
وتعلمك كيف تكسر خاطر أصحابك

جعل الألم والحزن والموت بيصيبك
آسف احبك عسى الله يلعن غيابك

.....

‏ورأيتها سبحانَ خالقها الّذي
جعلَ الجمالَ بِوجهها وضّاحا

فتنقبت ياويحَ قلبي سهمها
زادت جَمالاً يثملُ الأقداحا

فكأنّها قَمرٌ تجلَّى وانزوى
بدراً هِلالاً يشرحُ الأرواحا

.....