اخترنا لكم شعر نبطي وفصيح

يا مادح الأنذال مدحك خساره
وراك ما تمدح هل الفضل والجود

اللي يشوفون المدايح تجاره
وأعراضها ما حاشها علم منقود

لا تمدح اللي جاله المدح عاره
لا ورثه لا أبوه ولا هو بمعدود

جده وأبوه يحلبون الوباره
ويدورون التمر في مقلع العود

لو جبت له منظوم طول المناره
ومسطره بالمسك وأقلامه العود

ضيعت مدحك في حصيني مغاره
سعده مع الفيران والنمل والدود

أما الردي لو تقذفه بالحجاره
وإلا مطارق شوك وسلاح محدود

جنبه متين ولا يخاف المعاره
ولا يعرف البيض ولا يعرف السود

والحر دايم يحترك بالإشارة
يفز مثل الزند لا قدح بارود

رجال يسوى له ثمانين حاره
ورجال ما يسوى ولا عظم مجرود

بديوي الوقداني

الدم تظهر علته بـ التحاليل
تطلع نتيجه علته في ورقها

واللي يسلم لحيته للرجاجيل
لا عاد ينشد منهو اللي حلقها

.....

تبين لك الأيام ما كان خافي
وتظهر لك أصحاب الرخا والشدايد

والرجل ما يقلق وفيه العوافي
يصبر على المكتوب والحظ قايد

وما كل من جالك بالوجه صافي
بعض العرب فزعات فمه عوايد

.....

النفس تصبر لو لحقها مجاعه
ولا تنزل للرديين هامه

والحر يفهم بالإشاره كلامه
ويعيش بالدنيا بعز ومناعه

من لا يعز النفس في كل ساعه
تقفي به الأيام ماله كرامه

.....

الرجل يظهر في نهار المراجيل
بأفعال صدق تنومس اللي نصاها

خلك جبل شامخ بوجه الغرابيل
ما هزته ريح السنين وعناها

والنفس تصبر لو حوتها المعاضيل
ولا تذل للردي في رجاها

خاوي الطنوخ اللي يشد المحاميل
اللي ليا بارت بك الناس جاها

يارد حياض الضيق عقب التهاويل
ولا الردي وقت الشدايد نساها

ترى الفتى فعله يقود الرجاجيل
والصمت هيبة للنفوس ومدّاها

.....

يا سرور انا في عالي الرجم عديت
وحاولت افكر وافتكر مثل غيري

ودعيت ناسن خالفوني وناديت
واقفوا وانا في ماقفي مستخيري

بغيت اعدل مايل الناس وازريت
وازريت اعدل مايلن في ضميري

ما جتني الدنيا على ما تمنيت
يوم انقطع حبل الرجاء من عشيري

وايست من طرد المقفين واقفيت
ونزلت ملواحي وبرقعت طيري

وليا وجب واجب على استعديت
ماني مهين ولا ذراعي قصيري


ساير الحربي

بان القناع وبان ما كان مستور
يا خاين العشرة عرفنا حقيقة

وفر معاذيرك ترى القلب مجبور
يسلى عن اللي ما يداري رفيقه

ما عاد لك في بهجة العمر مقدور
والباب يوسع للمفارق طريقه

.....

جيت متمرد على الأشواق وأقهرها
هامةٍ ما تنحني لو زاد غربالي

يوم نفسي عن دروب الذل اذخرها
مر طيفك بالخيال وهد تمثالي

أقرب الصور البعيدة لجل اكبرها
ناويٍ القى بعينك عذر ما جالي

.....

يا رب تِجْعل مِقبل أيـامنا خيـر
وتْشيل عنّا كـل هـمٍ وضيـقه

وتْثبّت الخطوة على سِكّة الخير
ونْعيش بالدنيا بنِـيّه طليـقه

.....

​ما بيننا ضاعت صفات التراحم
وقلوبنا ما عادها مستقيمة

​صرنا نجاري بعضنا بالتشاتم
ونعامل الآخر بنية أليمة

​صرنا نشوف الكذب ساس التفاهم
والحقد والبغضاء ميزة عظيمة

​صارت صداقتنا فقط للدراهم
وحبنا أصبح مجرد غنيمة

​ماتت بنا الرحمة بكثر التخاصم
وما بيننا ما عاد للحب قيمة

.....