اخترنا لكم شعر نبطي وفصيح

‏الطيب في روس النشاما علامات
واللي كسب نعمين لله دره

احدن يموت وتبكي العين لا مات
واحدن يموت ويكفي الناس شره

.....

والله لوتملك من المال مليار
وانته قليل الدين مالك سعاده

أن كان تبغالك معزه ومقدار
خل اجتهادك في كثير العباده

ترى صلاتك هي نجاتك من النار
وعدوك الشيطان واصل جهاده

واطلب ولي العرش لاصرت محتار
هوالذي يغفر ويرحم عباده

.....

ياللي قريت بصفحتي كم منشور
ما كل في بالي جديدآ كتبته

شمال صدري فيه البث محضور
كل المواقع تختفي لا ذكرته

نكتب ونكتب همنا سعي مبرور
جبر الخواطر فظلها كم شكرته

صمتي عن حروف العتب فيه دستور
واللي خفى في خافقي ما لمسته

ما همني قول الردي وأي مأجور
حتى ولو في نيتي شي صنته

خلّك مع اللي في وفاه أنت مسرور
واجعل من أوقاتك جديدٍ حفظته

.....

​حاولت احرك فيك كل العواطف
واعاملك غير التعامل مع الناس

​بس الحقيقه مثلما انت شايف
طلعت ماعندك مشاعر ولا احساس

.....

العلوم الــــطيّـبه تســوى مسـاوي
سـامـــيه بالــذات عالي مستواها

والــعـلـوم الّي لها هــــدرة وداوي
ترخـــــص الّي قــالها والّي رواها

يا مــداوي كـــــل عـلّـه بالـمكاوي
ريحـة الـعِـلـه تعــــطـر مَن كواها

لـو مــــــداواة الـبــلاوي بالـبلاوي
داو داءك يا مــداوي مـبــــــتلاها

انتها في الهـاويه هــاوي هـواوي
طـاع نفـسه واْتّــبعـها في هـواها

وانطفت عين البصيره عند غاوي
بعـد مـا حـاول يـكـحّـلـهـا عمـاها

والبـلاد الّـي تســــــيّـرها حـزاوي
عَـزهـا في عِــــــزها لا في عزاها

سقـفـها موقــــوز والبنيان خاوي
والبلاوي بين مــــــرعـاهـا وماها


.....

أتغيشم لك وأنا ماني غشيم
‏والخطا مردود والزلّه بلاش

‏النقاش أحيان موضوعه عقيم
‏لا تلوم اللي قفل باب النقاش

.....

تجاهل الجاهل على شان ترتاح
‏واسمع من العارف لا منّه تكلّم

‏لا تندفع تنطح لك صياح بصياح
‏اصمت وحاول تستفيد وتعلّم

.....

لا توصي يبن عمي وانا مثلك حريص
‏اسمك اللي بالبطاقه نشيله كلّنا

.....

من لا حسب قبل النسب معدن الخال
‏لا ينشد المولود من وين عيبه

.....

لا ضاق صدرك والحزن داخلك لج
استغفر الله خالقك هو يفكه

ينسيك هم العبد ومحارب الفج
علم ومؤكد ما وجد فيه شكه

وان كان تبقى الاخره اطلب الحج
خير اقترابك للولي ارض مكه

.....