اخترنا لكم شعر نبطي وفصيح

حي راسٍ ماتوطيه المصايب
‏يرتفع عند المصايب في علوه

‏خالقه ربي لوقفات الصعايب
‏الصعايب ما تزيده غير قوه

.....

‏شيبتنا سود الأيام قــدام المشيب
وأرتوينا من حلاها وذقنا مرها

والليال المقبله ما عرفنا وش تجيب
مير يا ربي طلبناك تبعد شرها

أحمد البلادي

‏راحوا اللي في كبار المواقف ياقفون
وذكرهم لازال باقي على قيد الحياه

واشغلونا اللي يقولون ما لا يفعلون
الهروج اكبار والفعل ما يازن حصاه

ذيب المهّــان

‏الخوه الخوه الله يرحم الخوه
ويرحم قبور الرجال اللي تقدرها

شيمه و فزعه وخفة نفس ومروه
صعبه على الجاهل اللي مايدبرها

فهد بن شعلان الاكلبي

اذا العيون اللي تكلم بدالك
تترك فصيح الناس يحتلها الصمت

واذا الطبيعة تنبهر من جمالك
كيف البشر لغضت عيونك وسلهمت

من نظرتك من بسمتك من دلالك
كن الطبيعة تبتسم لا تبسمت

....

توك غرير ولا عرفت الهوى كيف
وسحرت قلبي جارك الله بزينك

عطاك ربي كاملات التواصيف
حتى القمر نوره سطع في جينك

والله عطاك عيون تمضي كما السيف
الخاسر اللي جات عينه بعينك

اخر لقا وياك في عطلة الصيف
يوم الضباب يحول بيني وبينك

.....

ألا ياقلب قلّي وشبلاكَا
تعلمت الهوى بأول صباكَا

خذاك الشوق ياقلب المعنى
وطحت وضعت في بحر الهلاكَا

ترى لأهل الهوى قبلك سوالف
حكايتن فيها شبه ارتباكَا

تراهم بالهوى نفس الطبيعة
قلوب صغار وعيونٍ تباكَا

.....

‏ضاقت علي كل الدروب الوساعي
امشي واخطط يابس القاع بالعود

ماهيب والله قصرةٍ فـي ذراعـي
مير الرجال إلها قوانين وحـدود

أحمد الناصر

البارحه زعلان مدري على ويش
‏يمكن من الحرمان ولا محطم

‏لا والله الا ضيقو لقمة العيش
‏البنت تكشف والسنافي يتلطم

.....

مواقف الطيب محسوبه ومشهوده
‏ورجلٍ بلا طيب لا يذكر ولا يحسب

‏واللي كسبها بعرفه قبل مجهوده
‏فعايله طيّبه ومجالسه مكسب

.....