اخترنا لكم شعر نبطي وفصيح

‏لا طابت النفس العزيزه من انسان
مـا عـاد يسوى في نظرها ولا شي

تجـوز عــن رفقته لـو كان مـا كان
وتقفي كما يقفي عـن الميت الحي

.....

‌‏يا قلب لا شفت الزمان استفـزك
اصبر ولا تزعـل ترى الوقت دوار

خلك عزيز وعز من هو يعـزك
ولا تخاوي كل خاين وغدار

.....

‏تبـي الكـلام الصـدق بينـي وبينك
اسمع معي هالبيت ما دمت وياك

من باع كل الناس من شان عينك
حطه بعينك واجـعله نور دنياك

.....

خلك عزيز النفس لو همومك جبال
لا تشتكي لناس من جور ما فيك

هاذا الزمن يا صاحبي كله اهوال
يهدي لك البسمه ويرجع يبكيك

.....

شرهة الغالي على الغالي محبه
وصدة الغالي من الغالي فجيعه

ومن نساني واختفى من دون سبه
الـفجوج اعـراض والدنيا وسيعه

.....

‏يا الله ياللي ما معي فيك تشكيك
القلـب مخلص والعقيده نقيه

أدعيك واستهديك واشكرك وأرجيك
واستغفرك مــن كل ذنب وخطيه

.....

افعل المعروف وتشوف العجايب
كل حاجه ممكنه تقدر عليها

يمكن تنجّيك من بعض المصايب
حاجةٍ في وقتها وفقت فيها

قمت معّ محتاج والا اسعدت شايب
انت ناسيها وربك مانسيها

.....

فهمت الحياه وعشت في مدرسة الايام
من العمر ما يكفي مواجه خوافيها

من العزم امد النفس بالصبر والاقدام
ضعاف العزايم ماتبيني ولا ابيها

.....

ياما قطعناها من الميل للميل
تبي تجمركنا ولا جمركتنا

تلعب بنا الدنيا وحنا رياجيل
لا غيّرت فينا ولا حركتنا

.....

يقولون لا تدعي على الكافرين بخير
و انا اقول جعل مسوي الهاتف الجنه

ليّا صرت فى دارن وخلك بدارن غير
يسولف عليك وكنّك قريّبٍ منه

.....