اخترنا لكم شعر نبطي وفصيح

اليا اذن المذن تهيأ للصلاه
والله ما تلقى خير من تاخيرها

قد ماتوا اللي يستحقون الحياه
يعني بتبقى حي دوّر غيرها

.....

من لا يودّك لا تبيّن لـه الـودّ
‏مودةٍ بالكـذب ماهي مـودّه

‏وحبل الريا والكذب لو كان يمتدّ
‏دايم قصير حبال مهما تمـدّه

‏وشيٍ بني بالكذب مبناه ينهـدّ
‏دورات الأشهر والليالي تهـدّه

.....

دور اللي خوته تنشرى بالمال كاش
‏واحدن لا حل طاريه قالوا والنعم

‏لا زهمته حزة الضيق ماجاه ارتعاش
‏يثني المحزم وياقف على ساق وقدم

.....

‏من ميزة الافكار تحديد الاهداف
والنفس تتعب لين تلحق هدفها

وما كل من عدى على راس مشراف
يرجع ونفسه قد تلاشى كلــفها

ويبين الرجــال لا صار ميــقاف
امـا وقـف عنـها او انــه وقـفـها

وليت البشوت اللي يغطن الاكتاف
تحرم على ناسً رضت في شرفها

تركي العريدي

‏على الهون يا وقتٍ خذا كل راحة بال
عزاز النفوس لذلّها منت حاديها

ليا هانت العشره وجات القصار طوال
تموت الرجال بعزّها وبمباديها

ترى اللي تسوق إله الغرابيل فالفنجال
كبار الخطوب وهو صبي متقهويها

من إشتدّ عوده في معافر ردى الأحوال
بعد ما بلغ شدّه ماهو مبتلش فيها

فهد سفر

‏لا تطغيك عافيتك وفنجالها مشروب
ولا تآمن رماح المنايا وزرقتها

ولا تستعيب الناس لوّك خلّي عيوب
دعْ الخلق لـ الخالق بصيرٍ بخلقتها

ترى مال مخلوقٍ محاصٍ عن المكتوب
ولا كلّف الله نفس أحد فوق طاقتها

عن أكثر تصنّاع الآوادم بطيب قلوب
مع الله نفسك لا تضيّع علاقتها
‎
.....

‏اليّا طعن فيك الردي لاتجاريه
اليا سفهته تذبحه ذبحة الشاه

ترى مجاراته تحقق مساعيه
خلّه يفارق حاملٍ داه برداه

الجيل هذا كاثراتن بلاويه
متخالطن شره وخيره وبلواه

.....

بعض العرب كنّه صناديق ساهر
‏من صادفه ماعين إلا الخساره

‏وبعض العرب مثل الذهب والجواهر
‏في لبس ولّا في عروض التجاره

‏عبدالله أبو عيون

يا الله يـا رازق مساكـيـن وضـعـوف
‏تـغـفـر لـعـبـدٍ بين رجـوى وراعـه
‏
‏النفس تفنى ما لها يـوم مـعـروف
‏يـا رب عـفـوك والرضـا والقنـاعـه
‏
‏الـموت له نزعه قويه من الجوف
‏يـا رب لـطـفـك يـوم رد الـوداعـه
‏
.....

يا الآدمي عمرك دقائق وساعات
‏تقرب من أجلك في ثوان الدقيقة

‏لكن تغانمها عبادة وطاعات
‏وأقص العمر كله بهذا الطريقة

‏وحافظ على دينك وصل الصلاوات
‏ما دمت متعافي ونفسك طليقة

.....