اخترنا لكم شعر نبطي وفصيح

يا الله جيتك طايع الأمر كلي
‏خليت دنياية وباقي شتاتي

‏افر من ذنبي لرحماك راجي
‏واقوم بالأركان والواجباتي

‏يارب تقبل دعوتي يوم اصلي
‏ياعالم بسري وعالم نجاتي

‏ادعوك متأمل للطفك وراجي
‏العفو والغفران قبل المماتي

‏ محمد القت

‏يارب انا في حماك وراجياً لطفك
‏انك تجاوز خطاي وتغفر ذنوبي

‏انا بوعدك وعبدك في رجا عطفك
‏ارضاك والجنة ورحمتك مطلوبي

آمين

رفيقي اواصله وانشد عن علومه
‏وإلى سبقني بها جعله على القوّه

‏على النقا والثقه ماهيب معدومه
‏نعرف حقوق الخوي ونقدّر الخوّه

.....

من لا يودّك لا تبيّن لـه الـودّ
‏مودةٍ بالكـذب ماهي مـودّه

‏وحبل الريا والكذب لو كان يمتدّ
‏دايم قصير حبال مهما تمـدّه

‏وشيٍ بني بالكذب مبناه ينهـدّ
‏دورات الأشهر والليالي تهـدّه

.....

‏مريت بالدنيا وانا عابر سبيل
ولقيت جرة ناس قبلي راحلين

أقفوا وراحوا بين يوم وبين ليل
واليوم صاروا بالمقابر نازلين

راح الصغير وراح ابوعمرٍ طويل
تذكروا يوم الحشر يالغافلين

يا رب ترحمنا ليا حان الرحيل
وصرنا عن الدنيا واهلها مغادرين

‎ابوسلطان

لا مات صبر الحليم وضاعت الذمه
‏سافر بليا موادع والطريق اطوه
‏
‏عزز طموحك وشد الحيل والهمه
‏ما يرضخ المجد غير لواثق الخطوه

.....

لو بشوت الفقر تدري عن بشوت الغناه
ما تساوت ربع ساعه على منكب ردي

.....

اكبر مع الايام و اشطب علاقات
واطوي يدين الوقت وامد ساقي

ما عاد تفرق سود الايام لو جات
اسود من اللي فات ماظن باقي

.....

ابعد عن الناس من فتره اليا فتره
وأقرب من الله بتسبيحك وتهليلك

واسجد لـ ربك تعالى واطلبه ستره
تراك والله ما تدري كم باقي لك

والقبر مافيه لا مشلح ولا غتره
ان كان مالك عمل ينجيك يا ويلك

.....

اثر التواضع بير ما نعرف مداه
‏الله يعين اللي هقاويهم تبور
‏
‏لازم نعلّم كل واحد مستواه
‏عشان ما يقعد يلفّ ولا يدور

.....