اخترنا لكم شعر نبطي وفصيح

الخبل كيف نعالجه من خبالة
‏ والنذل كيف نجنبة درب الانذال

‏ بعض الخبال تهون معه النذاله
‏ مير البلا لا جت نذالة مع خبال

.....

الله يعين الكبير اللي طموحه كبير
‏وظروفه اتحاول تهزه ولا هزته
‏
‏لو الليالي خذت من ما بغاه الكثير
‏والله ما ترهي وتاخذ شي من عزته

.....

‏من شعر بدر الحويفي:

‏يا زيد لـو كـل الرجاجيل وافين
‏ ما صار بالعالم عـفـون ونشاما

‏الطيـب منهاج الـرجال الوفيين
‏وإلا العفون من الرجوله يتاما

السمع لا ترخيه للقال والقيل
خلّك رزينٍ من نظر لك يهابك

ولا تاخذك يا صاح سود الهزاويل
واعرف ترى منهو حكالك حكابك

.....

بعض البشر مثل العسل والجواهر
‏مهما وصفته بالحلا ماله اوصاف
‏
‏بعض البشر طيبه على الناس ظاهر
‏ما يختفي مثل القمر دوم ينشاف

.....

‏احـدن يجـي عـرفه يسـرك وينفعك
واحـدن يجـي عـرفه بليا مــســره

واحدن ليامن طحت ياقف ويرفعك
واحدن يالـيـته بس يكفـيك شــــره

‏وقت الرخى كل الرفاقه مطاليق
وفي ساعة الشدة يا قل الجماعه

يا خوي من وقف معك حزة الضيق
احفظ وداده مثل حفظ الوداعه

.....

‏تامر على حاجه وتامر على شي
‏حتى الردي يقولها لا مشى منْك

‏لكن تبوون الجد والواقع الحي
‏يا قلّ من لا ضقت شال الحمل عنْك

.....

لا صار اعز الناس يلوي ذراعك
‏لا عاد ترجي من ورى عشرته خير
‏
‏ارفع على متن السفينه شراعك
‏وارحل على متن البحر والمقادير

.....

سكتنا واستحينا والحيا ما صار له مردود
‏قليلين الحيا لو استحينا ما استحوا منا

.....