اخترنا لكم شعر نبطي وفصيح

الا يالزمان المقبل إقبل علي بزين
أنا سايلك بالله لا تلحق على الباقي

أنا من قبل يومين وأكثر إلين الحين
لا عينّت لي مخرج ولا زانت أخلاقي

غدا كل شيء فـ العين ماعاد يملا عين
ولا عاد والله عندي في لحية أرزاقي

أدوّر شتات أوراق ضاعت قبل عامين
وأنا يالله ألقاني قبل أدور أوراقي

خريطة حياتي وقفتني على سيدين
تحيّرت كن القيد فـ يدي وفي ساقي

أنا عارف أن الصمت إبن سته وستين
ما أعده من أعدائي ولا ضمن عشاقي

لكن حالفٍ بالله ثلاث وقطعت يْمين
ما أعوّد على دربٍ نثر صافي أحداقي

أنا مامعي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوّه .. لين حتى الامور تزين
مع كامل الحب ومع خالص أشواقي

اذا الله كتب نرجع سوا زينٍ على زين
واذا عادك بتبقى كذا كمّل الباقي

محمد الغبر

الغالي الي لا فارقني غديت اثنين
وان جاني اصير واحد لا شعوريا

وان شانت اخلاقه ، اخلاقي علي تشين
وارتاح نفسيا اذا ارتاح نفسيا

مشكلتي لاغليت شخص اطيح بين امرين
بين ابتعد منه ولا ازعجه يوميا

من زود ما اغليه ودي لو معي قلبين
اخاف قلبي يجي مختل قلبيا

.....

قال سعد علوش:
‏
الجو له شغل بالإحساس
‏هالشي أنا مجرِّبه والله

‏في الغيم أسامح جميع الناس
‏وفي العج أدوِّر على الزلة

انا ماني معلمك الخطا والصح يا رجال
‏تبي تعرف ليا خاويتنا وشهي مراجلنا

‏قصرنا الخطوة اللي قدمها كل الدروب هزال
‏وعلى درب السنع سقنا خطاوينا وعجلنا

‏على ظهور الاصايل ما نسابق غير طيّب فال
‏واذا شفنا الردي يبغى يسابقنا ترجلّنا

.....

‏المشكلة اللي حلها خشم الريال
‏أدعس على خشم الريال وحلها

‏ما دام دنياك الدنيه .. للزوال
‏الله ولا ضيم النفوس وذلها

‏مال بليّا عز ما هو راس مال
‏ لو صاحبه حاز المناصب كلها

‏لا تمشي برجلك على درب الخمال
‏ رجلك عن اللي ما يعز أفطن لها

.....

‏امك وابوك اللي من الصغر ربوك
‏احرص على تقديرهم واحترمهم

‏يرجون منك المنفعة يوم جابوك
‏لا تجحد المعروف والخير منهم

.....

‏ليت العمر وقف على ذيك الازمان
‏وليت الطفولة ما عطتنا ظهرها

.....

‏بنت الكفو ماهي بحاجه للامداح
‏عن مدحها يكفي لها صيت ابوها

رفيقي اواصله وانشد عن علومه
‏وإلى سبقني بها جعله على القوّ

‏على النقا والثقه ماهيب معدومه
‏نعرف حقوق الخوي ونقدّر الخوّه

.....

من لا يودّك لا تبيّن لـه الـودّ
‏مودةٍ بالكـذب ماهي مـودّه

‏وحبل الريا والكذب لو كان يمتدّ
‏دايم قصير حبال مهما تمـدّه

‏وشيٍ بني بالكذب مبناه ينهـدّ
‏دورات الأشهر والليالي تهـدّه

.....