اخترنا لكم شعر نبطي وفصيح

دور اللي خوته تنشرى بالمال كاش
‏واحدن لا حل طاريه قالوا والنعم

‏لا زهمته حزة الضيق ماجاه ارتعاش
‏يثني المحزم وياقف على ساق وقدم

.....

المرجله تشريف والطيب تكليف
‏والناس تسمع هرجة الناس وتشوف

‏واللي يناظر جاحدين المعاريف
‏ماهو مسوي بالرياجيل معروف

.....

الناس عاملها مثل ما تعاملك
‏كب الردي والطيّب ان طاب طب له

‏والصاحب اللي خوته ما تجمّلك
‏صلاة مسفوهٍ على غير قبله

.....

توّنس بهالدنيا قبل تنتهي دنياك
‏على ويـش نفـسك كل يـومٍ تـزعلها

‏ترى م انت مـكلوفٍ بهـذا ولا هذاك
‏ماهي شغلتك غلطات غيرك تعدلها

.....

جعل عيني ما تشوف إلا عيونك
‏وجعل حالي ما يضمه غير حالك
‏
‏انت قل لي وش هالدنيا بدونك
‏والله ان مابه حياه إلا وصالك

.....

ياصاحبي درس الزمان اعطى مناعه للضمير
‏والنفس من سود الليالي زاد فيها عزها

‏شامخ ولو هب الهوى والكل من حولي قصير
‏وضلوع صدري ثابته ميل الزمن ماهزها

.....

عليك باللي فالمواقف مجرّب
‏اللي جمع بين الأجر والغنيمه

‏وجنّب عن اللي بس ياكل ويشرب
‏اللي طبوعه مثل طبع البهيمه

.....

اللي يكافح ميل وقته بتقواه
قد كفّن الضيقة وصلّى عليها

يا قُو عزم المُحسن الظن بالله
تمّرَّه الشدّات ما ضاق فيها

.....

ما بين هرجة سفيه وبين نظرة فطين
‏تلقى كلام الحقيقه واختصار الكلام

‏ما تشره الطيبين الا على الطيبين
‏والا ضعاف الروابع ماعليهم ملام

.....

خلك على وضح النقا تكسب الناس
‏وان ما كسبت الناس راحتك مكسب

‏وكل على جوه ويقدح من الراس
‏الناس كل له طبيعه ومذهب

.....