اخترنا لكم شعر نبطي وفصيح

اطلق زمام النفس لا يدخلك خوف
‏العمر يمضي بين روحه وجيه

‏مد النظر قدام لا تقصر الشوف
‏اطرب شبابك دام الاشواق حيه

.....

وقت الرخا كل الرفاقة مطاليق
‏وفي ساعة الشدة ياقل الجماعة

‏ياخوي من وقف معك حزة الضيق
‏إحفظ وداده مثل حفظ الوداعة

.....

أخذت من دنياي مايبهج الروح
‏وعطيتها كل التعب واتعبتني

‏وحبيت كل الناس من غير مصلوح
‏وطردت ظلماهم بشمسٍ خذتني

.....

جاملوه وصفقو له ثم شاش
‏وجا يخطف راسها ورجولها

‏كل كلمه قالها يقال عاش
‏لين ضيّع عرضها من طولها

‏والله انه كل ما طال النقاش
‏بان لك فالناس حجم عقولها

.....

الله يجعلني على ظن الرفيق
‏اللي هقى بي خير جعله ياجده

‏يبشر بي حزامه و يرقى بي طويق
‏ويدحم بي ظروف الزمان الواجده

.....

الله هو اللي وزع الرزق بقياس
‏ومن دنيتك ما تاخذ الا نصيبك

‏ان زاد رزق الناس لا تحسد الناس
‏الله حسيب الناس والله حسيبك

.....

من عاش في ضل الرياجيل مسكين
‏حاسو مريره وافقدوه احترامه

‏أن كان منت تعيش رجلٍ حمر عين
‏اصبحت من ضمن الهلايم هلامه

.....

‏تجمعو في المكان الطيب الطيبين
على بساطه ودين وحسن خلق وثُقل

شبابهم طيّب وشيبانهم شامخين
لو ما عليهم بشوت ولا عليهم عُقل

مبارك بن وادعه

‏جوالك اللي في يدينك تحمله
حمله خفيف وياثقل ذنبه عليك

احذر من الذنب الخفي لا تجهله
قبل الندامه والغبن تجني يديك

وان كان في خير ونصح تستعمله
تلقى عملك اللي يسرك مقتفيك

رجا بن عوض

ياداير الظــهــر ياعيــــباه درت الـقــفى
وانا اعرفك رجل وافي ماتدور قــفاك

سقهنتني بالتجافي يوم ســقت الوفـى
ونسيت منهو معك يوفا بكامل خطاك

اصفى المخوه عطيتك بالعلن والخفــى
وبنيت لك قصر عالي عن جميع اخوياك

.....