اخترنا لكم شعر نبطي وفصيح

هذا الصحيح الي يعدل الموازين
مالك ومال الناس سارج وهارج

ماني مكلف في جهاد المجانين
أنا مع الصاحين دوب اتخارج

.....

‏يالنوم لك حطيت مفـرش ولا جـيت
‏وأتـعبـت راسي بـ أرتـفاع الوسايد

‏وش مزعلك مني عن العين صديت
‏وأنـا السهر ماهـو لــعـيني عــوايد

.....

‏صافح وسامح واترك القال والقيل
‏خلك نظيف القلـب والحقد خله

‏وابعد عن اللي ما وراهم محاصيل
‏اهل المعاصـي والدروب المخـله

.....

‏تغيّر علي الوقت وأخذني من أقصاي
‏يا وجدي على خبري من أول ويا صبري

‏عسى وضعي المزري يزيّنه الزمان الجاي
‏مابي من عطاه إلا إني أرجع على خبري

سعد بن جدلان رحمه الله

‏ماني بماخذ كل شور ولا بسامع كل رأي
المجد للي ما يحسْب حساب عاقبة الأمور

قل للسّنين اللي تراهنّي على كَسرة عصاي
ضربت الأرض إلين ثوَّرت الغبار من الصّدور

أنا على ما تشتهي نفسي ووين ألقى هَواي
محدٍ يحرّك وجهة شراعي على السّبع البُحور

إليا رضيت أطيّر الحاجة وأوصّلها سماي
‏وإليا زعلت أخلّي الحاجة دبورٍ في دبور

مزيد الوسمي

‏تعذّر.. لا تعذّر، ما على فعل الجمايل لوم
لك الله ما تنفّست الحياة.. إلا بـ غلطاتك

خطاك أجمل خطا وأعظم خطا للمتعب المهموم
صواب الناس عندي ما يساوي.. ربع زلّاتك

أنا راضي على المقسوم ما يفرق وش المقسوم
شقا؟ هاته، تعب؟ هاته، وهات الضّيقة، وهاتك

محبّة غيرك أوهام وسواليف وهوى مزعوم
ومحبّتك الصحيح وطمعتي نارك وجنّاتك

أنا من قبل أعرفك كنت من حلو الهوى محروم
وأنا اللي من عرفتك ما تعبت إلا لـ مرضاتك

جزاء الغيداني

خلوني أقضي باقي العمر سايح
مادام* للعمر المطرّف بواقي

أمشي تحت غرّ المزون الروايح
هذا هواي، ورغبتي، واشتياقي

يرتاح بالي يوم أودّه وأصايح
وأبسط فراشي في مبارك نياقي

أنحاش عن ناسٍ تسوّي الفضايح
عاشت بسوء أخلاق، كذب، ونفاقي

ناسٍ تسرّد للمشاكل شرايح
تثور من بين الأخوان الشقاقي

كل الحياة أحلام والعمْر رايح
طرقي بهالدنيا وغيري طراقي

خلف بن هذال

‏بكرة ليا منّك تذكرت واشتقت
بتراجع الذكرى وتبكي عليها

في ساعةٍ فيها تبي تذوق ماذقت
وتشوف عينك ويش شيءٍ يجيها

خسارةٍ تعتاض فيها مع الوقت
‏وخسارةٍ ما عوّض الوقت فيها

عبدالعزيز أبوظهير

‏أطهر ثرى فالبسيطة وأوسع رحاب
في شاسع الكون من شرقه لغربه

من كثر ما شرّعَت لـ ضيوفها الباب
ما يشعر المغترب فيها بـ غربة

يا قبلة الكون شعبك ستر وحجاب
رأيتك خضراء ودربك مثل دربه

تطمّني والبسي لـ العزّ جلباب
واستبشري والعبي من باب طربة

حبّات رملك ثمَنها روس وأرقاب
والكل منّا .. دفاع ورأس حربة

كل الأراضي ما غير تراب في تراب
إلا أرضك أنتِ ذهب ماهيب تربة

عبدالله السراهيد

‏لَا تُكثِرِ التَّفكِيرَ فِي أَمرٍ مَضَى
مِا دُمتَ فِي بَحرِ المَكَارِمِ تُبحِرُ

وَلتَمضِ فِي دَربِ المَعَالِي بَاسِمَاً
فَالأَرضُ مِن بَعدِ اليَبَابِ سَتُزهِرُ

جمال الحمداء