اخترنا لكم شعر نبطي وفصيح

يامــركـب الشـوق عـانـق حبـنا عـانـق
لاتـئسـف الشـوق دام النفس مشـتاقه

اهـل الـهـواء عـادباقي تدفـع الـفـارق
واهـــل المـحبـه لـهـا عــادات ذواقـــه

ماهــي لمـن حب ولى قـال انـاعــاشق
من يسهن الحب يعدم كامـل اشـواقـه

الشاعر ابو عمران

لملمت أوراقي وأنا خايف عجول
تفضحني الآهات ويكسرني المقال

والليل والهاجس مع الخاطر يجول
واكتب قوافي الشعر من همس الخيال

في عشقتك مبلي وما عندي حلول
كل الأمل في دنيتي لحظة وصال

لك أرسل الأشواق يا نبع الأصول
يامن ملكت الروح بأوصاف الدلال

جمال وجهك في فؤادي له قبول
يا بدر عالي زادك الله اكتمال

ورود صدري تشتكي كثر الذبول
والشوق يكويني ونسيانك محال

يامن على ذكراك أيامي تطول
لو مر طيفك زاد في روحي اشتعال

دمعي على خدي مهيئ للنزول
والهم في صدري ترسخ كالجبال

لولا الملامة من رفاقي والعذول
لكتبت إسمك فوق أكوام الرمال

عد واقطف الأزهار من وسط الحقول
واشرب كؤوس الحب واسقيني الدلال

القرب ينسي القلب حقده والغلول
والهمس يطفي الروح عقب الإنفعال

.....

نظرة عيونك تداويني وترويني
يامن جمالك سلب روحي وإحساسه

لا تطلب الوصف مني أرجوك تعفيني
يا نبض قلبي وشرياني وانفاسه

إن قلت حسنك شبيه البدر يا عيني
ظلمت حسنك بأوصافي ومقياسه

يامن كلامك وانفاسك تغذيني
مازلت عاطش ولو أشرب مئة كاسه

من مبسمك كل يوم بسمه تكفيني
يا فجر حلمي ويا ليلي وحراسه

إن قلت احبك وجودك من يسليني
يامن ببعدك فؤادي يعلن افلاسه

قربك ولمسة كفوفك دوم تدفيني
ونور وجهك بعيني شمس نبراسه

مالك ضلوعي وساكن في شراييني
وبين صدري زرعت الود في ساسه

.....

أطول من الليل هذا الصمت هذا الملل
والنوم بيني وبينه ساعتين ونهار

معزول والعزلة اللي صدق ماتحتمل
اللي تجي لك بلا رغبة ودون اختيار

.....

كنا نبي من وقتنا عدل وحقوق
صارت علينا حقوق، صرنا أسارى

مدري متى نرتاح انا وانت ونروْق
ويغدي لنا عند الزمان اعتبارا

كأن بين أيامنا والفرح عوق
أو اننا نطرد وهم باختصارا

.....

سبحان من كمّل وصوفك وابدعك
وعلاّك من فضله ل فضله واصطفاك

واختار لك أعلى المنازل يرفعك
كأن في أعلى المنازل مستواك

لا ينشغل بالك ولا شي يوجعك
ما زاد شي في غيبتك الا غلاك

.....

يا رحلة العمر الجميلة ماسرعك
ماسرع بداياتك وماسرع منتهاك

ليت آخرك يا ليت يشبه مطلعك
ما تذبل ورودك ويترمل شذاك

حتى اذا حبيت يوم استرجعك
ما تضيق بي أرضك ولا يعتم فضاك

.....

صبيت من همي لهمي كاس
قلت ابتسم دام الزمن تمثيل

والفرحة اللي خصرها ميّاس
تحتاج في شرع السهر تحليل

واللي سنينه بالجروح تقّاس
لايحسب اللحظات بالتفصيل

لا هو الأخير بضيقة الأنفاس
ولا الوحيد التايه بهالليل

.....

يا.بحر جده مات حلمٍ بنيناه
على سكونك وانت تبنيه فينا

ومات الحكي اللي في شفاه
ـك قريناه ياليتنا يابحر ماقد قرينا

وياليتنا درب الهوى مامشيناه
وياليت ماطعنا كلامك وجينا

ياما رسمنا الحلم وياما محيناه
على سكونك وانت تضحك علينا

وياما من دموع المواجع سقيناه
ولا جنينا الا العطش في يدينا

وياما شعلنا الشوق وياما طفيناه
من خوف لاامواجك تحس فينا

يابحر في شاطيك حلم بديناه
وان كنت ناسي يابحر مانسينا

قلت الفرح باكر يجي واحتريناه
وجينا لقينا همنا يحترينا

في ضحكتك عفنا الزمان ونسيناه
واثر الزمن داري بنا مادرينا

لا تحسب انّا يابحر قد قويناه
نضحك عليك ان كان قلنا قوينا

يابحر.. هذا حلمنا اللى هويناه
من قبل لانحيا معه مات فينا

ويبقى السؤال المشتعل ماطفيناه
الى متى.. والهم للحب مينا

.....