اخترنا لكم شعر نبطي وفصيح

دَلِّل فُؤَادِي فِي هَوَاكَ قَلِيلَا
‏دَقَّاتُ قَلبِيَ تَشتَهِي التَّدلِيلَا

‏أشرِق بشَمسِكَ كَي تُعيدَ سَعَادَتِي
‏فَالكَونُ يَبدُو مِن سَنَاكَ جَمِيلَا

‏لِلآن تَسألُ عَن دَلِيلِ مَشَاعِرِي
‏أوَ لَم تَجِد فِي مُقلَتَيَّ دَلِيلَا

.....

ليت الليالي لم تُباعِدْنا ولم
يعرف لنا هذا الغيابُ سبيلا

كانت بنا الأيام تعدو فرحةً
واليوم كم يمضي الزمانُ ثقيلًا

منذ افترقنا والحياةُ كئيبةٌ
والهمُّ في صدري أقامَ نزيلًا

كل الرسائل لا تخففُ لوعتي
بالله هل يُشفي الدواءُ قتيلًا؟!

فالح بن طفلة

فَلا تَعْتَمِدْ إِلَّا عَلَى اللَّهِ فِي الَّذِي
تَوَدُّ مِنَ الْحَاجَاتِ فَهْوَ رَحِيمُ

إِذَا مَا أَرَادَ اللَّهُ إِتْمَامَ حَاجَةٍ
أَتَتْكَ عَلَى وَشْكٍ وَأَنْتَ مُقِيمُ

البارودي

‏وش الومك عليه وخاطري دون الملامة طاب
‏يا وجهٍ يوم أشوفه كنت أشوفه وجهي الثاني

‏كذا أستكثرت الراحة على قلبي بدون أسباب
‏كذا ترضى لي عصف الشتات بعز خذلاني

‏مثل ما كنت أشوفك حقيقة فـ زمن مرتاب
‏لقيتك زيفٍ يشكك عدوي كل ما جاني

‏ذخرتك طلقةٍ ترمى بصدر الصاحب الكذاب
‏لعل سلاحي موجه على صدري وشرياني

.....

‏وقفت وقفةٍ صلبه بعد ما صفوا الأغراب
‏وجابوا لك حطب صدري وولعت موقد أحزاني

‏وأنا ورب الفلق والناس والأحقاف والأحزاب
‏ما كنت أحسب حساب لساعةٍ يربط فيها لساني

‏أعاتب من والدنيا بخطاها ما عليها عتاب
‏مثل ما جابني درب الزعل لهناك ودّاني

‏هناك لوين مدري بس أعرف إن الطريق غياب
‏غيابٍ كل ما طال الطريق تخف نيراني

‏كسرت الباب أبو مزلاج حزن ولا بقى لي باب
‏ودانيت الجفا حتى لو إني كنت ما أداني

‏فمان الله واللي بيننا يبقى ليوم حساب
‏أخاف أسامحك يوم الحساب وأنجرح ثاني

.....

قال انت شفيك لا حاضر ولا غايب
قلت المقادير لا منها ولا عنها

لا تمتحني وانا من الفضفضه تايب
وغاسل يدي من كفوف الناس والسنها

من قلبي الورع حتى عقلي الشايب
عفت الاحاسيس ظاهرها وباطنها

اللي رحل وش خذا والجاي وش جايب
والله مدري لكن الله يزينها

.....

اطلق زمام النفس لايدخلك خوف
‏العمر يمضي بين روحه وجيه

‏مد النظر قدام لا تقصر الشوف
‏اطرب شبابك دام الاشواق حيه

.....

حي الرفيق اللي له الطيب منهاج
‏اللي ليا جيته يضوي سراجه

‏لو ماقضى حاجتك لاصرت محتاج
‏على الاقل تكفيك ضحكة حجـاجه

.....

من عطاه الله محبة في القلوب
أشهد أن الله معطيه الكثير

جعلني لا جيت للناس محبوب
وجعلني لا غبت مذكورٍ بخير

.....

‏دام السما لله ما ضاقت الأرض
‏ماني من دروب المقادير جازع

‏لي موعدٍ مع ليلةٍ نجمها الحظ
‏ أشوف فيها ما تمنيت واقع

.....