اخترنا لكم شعر نبطي وفصيح

فهمت الحياه وعشت في مدرسة الايام
من العمر مايكفي مواجه خوافيها

من العزم امد النفس بالصبر والاقدام
ضعاف العزايم ماتبيني ولا ابيها

.....

افعل المعروف وتشوف العجايب
كل حاجه ممكنه تقدر عليها

يمكن تنجّيك من بعض المصايب
حاجةٍ في وقتها وفقت فيها

قمت معّ محتاج والا اسعدت شايب
انت ناسيها وربك مانسيها

.....

كانك تبي الرزق خلك صافي النيه
‏لا تجعل الخبث في نيتك متخبي

‏الشخص إذا نيته عوجا و ملويه
‏لو وش يسوي مهوب موفقـه ربي

.....

‏احدٍ على شانه تجوز المشاريه
واحدٍ تعدا بالخطايا حدوده

من لا يعزك لا تعزه وتغليه
ومن لارفع قدرك تجاهل وجوده

.....

اليا عسرك الحظ والوضع محتاس
هذه مقادير الله اللي فرضها

ولا ضاقت الدنيا مثل ضيق الانفاس
اقدار ربي ماحد يعترضها

.....

كل لحظه كانت بقربك عظيمه
‏عيّا يكررها الزمن بعد ممشاك

‏ماعاد لـ التاريخ معنى وقيمه
‏عدّا على قلبٍ عجز ماتعداك

‏مشاعري بين إنتصار وهزيمه
‏من ليلةٍ فيها عرفتك لفرقاك

‏ممنون لكل الليالي القديمه
‏اللي بها صوتك ووجهك وملقاك

.....

اللي يكافح ميل وقته ب تقواه
قد كفّن الضيقة وصلّى عليها

يا قُو عزم المُحسن الظن بالله
تمّرَّه الشدّات ما ضاق فيها

....د

يالله ترحمن بيومن لابده يكون
وتمنحن العفو يالله والخطا تغفره

باجر ليا شالو الجثمان فوق المتون
وجهوني وساروبي على المقبرة

الي بكى حزن والي وياهم يشاركون
يومن من الفقد للاحباب يا مكبره

.....

مروعنيِ الوقت لو ياخذ طموحاتي
وتروعني الناس في صدمة مباديها

بارد ولا شيء يلفت أنتباهاتي
تمرني أشياء ما تمشي ومشيها

مسكر أذني ومقلل علاقاتي
تتساقط الناس من عيني وأخلّيها

.....

ما يسرق البسمه سوا ذكرياتي
ياليت مالي قلب ينبض حنينه

انا من امارس بالتناقض حياتي
وجهي بشوش وذكرياتي حزينه

.....