اخترنا لكم شعر نبطي وفصيح

أقـصـر خـطـى ليل السهر وارتـكـابـه
وأراجـع الممشى على درب ممشاك

أفـتـح سـجـل الـمـاضـي وأقـرأ كتابـه
وألـقـى جـروحـي كـلـهـا حـيـةٍ معاك

.....

‏يرسمون الحب وسط صدورنا
‏عقب ما عفنا الهوا والقلب تاب

‏للأسـف مـات الغــلا بقلـوبنـا
‏وإعتزلنا من زمن درب العذاب

.....

احدن يحاذر سمعت لايجي العيب
واحدن ولا همه ولو راح ريشه

احدن تشوفه بين مسرا وتهريب
واحدن تشوفه متقف هو وجيشه

.....

سقا الله زمان المجلس الضيق المعمور
‏تضيق المجالس بس ماضاقت انفسنا

‏على رغم ضيق الحال تلقى به الميسور
‏قبل يبتدي على المظاهر تنافسنا

.....

ياليتنا نرجع مثل اول صغار
‏طهر وبرائه مابنا ظن كافر

‏اللي يزعلّنا يراضينا بـ دينار
‏واللي توفى نحسب إنه مسافر

.....

لاجاتك الحكمه من رأس شايب
‏خذها وسكر بالحشا دونها الباب

‏مرت به الدنيا وشاف العجايب
‏وجمع بقلبه من تجاربها كتاب

.....

ويلاه قلبي ضاق من دونك وروحي ضايقه
يالنجمه الي قربها طبي وتشفي كل ضيق

يا المترفه يا النادره ياالوافيه يا الصادقه
بعدك عن اعياني بيشغلني ويحرقني حريق

يا حاضري وانتي دوائي للجروح السابقه
احلم واداري نفس ولهانه علئ حبك وافيق

ياراحه ايامي وطبي فيك نفسي و اثقه
فيك الحبيب وكل ربعي واقربأي والصديق

الروح في حبك تغنت شعر واضحت عالقه
ماشي لهاغيرك حبيب ولاسوئ دربك طريق

يالمهره الي بالجمال وزينها مترتبه متناسقه
جمالها يعكس شعاع الشمس من ذاك البريق

اعشقك وانتي غاضبه واهواك وانتي رايقه
واموت في طبعك.وزينك والاسلوب الرقيق

من ثغرك الجذاب مع بسمه شفاك الفايقه
لنجم والقمرئ لقيت الخمر والسكر الحقيق

محال في لندن وروما او بدار الشارقه
القي مثيلك بنت تنقذ قلب بيديها غريق

امير

حتئ الذي كان معجب بي رحل واختفئ
ما عاد هزه وجود ولا احترم للقصيد

رعئ الله ايام كان الطيب جهر و خفئ
ما اليوم ما عاد افرق من قريب و بعيد

.....