فوق هام السحب ( الشعر الشعبي) على متن القوافي

سلم على المحترم واسلوبه الراقي
وجنب عن اللي علومه ما يثمنها

أعامل الناس باسلوبي وباخلاقي
والناس باسلوبها تعرف معادنها

والله لو تملك من المال مليار
وانته قليل الدين مالك سعاده

أن كـان تبغالك معزه ومقدار
خـل أجتهادك في كثر العباده

أمر مراً مـر فـي دنيتـي لـي
وأمر مرٍ مـر لـي فـي حياتـي

لاجاني العانـي وانـا مامعـي شـي
ودي تجينـي قبـل ياتـي وفاتـي

ان اعتذرته ظن ظن الرداء بـي
وانا الرداء ماهو صفة من صفاتـي

أضحك واهليبه وانـا منكـوي كـي
من خوفي التقصيـر فـي واجباتـي

ومن لا أشتهر بالطيب صيته وهو حي
ماطالع له صيـت عقـب المماتـي


منصور الرمالي

خلٍ صناديق صَدري منه مختلّه
بطّل علـي الهـوى مع كل بيبانه

لين احترق زرع قلبي وانصرم كُله
والقلب وش خانته لا راح بستَـانه

قلبٍ شعاه الغرام وصـادفه علـه
ماله علاجٍ يلين يشوف خلانـه

أنا والله المجنون والناس ما يدرون
و حي المجنن تنتداوا . . . ولا جني

تجننت من خمرة لسانٍ وسحر عيون
ولا لي جدا غير أرفع الصوت وأغني

ولاصدت منها الا اربعٍ تبحث المكنون
يا وجدي ، وياليته ، ويمكن ، ولو أني ؟

سعد ابن جدلان

أبو علي قال.. لا انته لي ولانا لك
يامن نسيت الوفاء والطيب والمعروف

لا خير في غيبتك عني ولا إقبالك
يكفي مظاهر قد اللي داخلك مكشوف

تهرج ب الاقوال لكن ويني أفعالك
ياذي تشدقته إنك بالكرم موصوف

ماكنت أظن الجفاء يأتي من أمثالك
خذلتني يوم شفته معصمي مكتوف

لو انت مقدام كان الصحبه أبقاء لك
باتسندك يوم ظهرك للوراء مدهوف

أما من أطماع بقعاء ياتعب حالك
درب الطمع ياصديقي بالخطر محفوف

والله لا فقرنا دايم ولا أموالك
ولا على العيش في دنيا النكد مأسوف

راسي يقل لي شموخ العز يهنا لك
وذي بلا عز راسه للقدم معطوف

‏ما فيه ناسٍ من الاوجاع مرتاحه
‏والصبر في مثلها من ربنا منحه
‏
‏لولا التعب مـا عرفنا قيمة الراحه
‏ولولا المرض ما عرفنا قيمة الصحه

في هواها راح عمري و لا ألحقته حسوف
مستحيل اعدد اللي فعلتْ من اولا

دايم المنّه الى جات من عقب امعروف
لا غدا مكسب جمالة ولا دفعة بلا

القلوب تشوف و أنا احسب انها ماتشوف
والعيون تمييييل وتحب قدام الملا

اطهر مْن المحرم اللي على الكعبه يطوف
و اصدق مْن الموت و اذير من ريوم الفلا

لو تمارس كبرياها على بعض الحروف
‏كل حرفٍ ماتقوله مجنبه الحلا

‏قالت انت اللي يجمل لاجا بين الصفوف
‏قلت انا اللي ماتشالا ولا حوله شلا

شاهرٍ سيف الهلالي على حدب السيوف
‏من كفله الله جعل له من الناس كفلا

تبشر بوقفة شجاع ما يربكه الوقوف
بين تأنيب الضمير ومشاريه زملا

دون وجهك ماحسبت حساب غالي
‏والعسيره لانصت مثلك بسيطه

‏ياحزامي لاعبس وجه الليالي
‏واستفاق الهم والدنيا شطيطه

‏والله إنّي مالتفت في ضيق بالي
‏لاذكرت إنك على وَجه البسيطه

‏يقولون من لاخاف درب الخطايا زل
‏وتمام العقل من خاف من وجه خلاّقه
‏َ
‏تذكر رقابة خالق الكون .. عز وجل
‏وتذكر عطاه وستره وفايض آرزاقه
‏َ
‏وتذكر وقوفك يوم تاقف ماعندك حل
‏في يومٍ يشيب الراس من شدة آرهاقه
‏