ابيات موحهه لي من الشاعر/خلف بن عبدالله العلياني ويوجد ردي على ابياته

ابيات خلف
سلام يااطيب الاصدقا والرفاقه /// من روس قوم طيبهم يرفع الراس

بيني وبينه تستمر العلاقه/// مثل القصور اللي تبنا على ساس

ياشاعر شعره لذيذ مذاقه /// مثل العسل ماهوب همج ومنحاس

يسوقنا لاحلى القصايد شفاقه ///واقبل تحيه شاعر من بني واس

وهذا ردي على الابيات السابقه/اخوكم ابو عثمان
يامرحبا وعداد نون حقاقه /// صدق من المنشاء وفرحوا به الناس

نون جليل الملك بالغيث ساقه /// لرض شجرها من عناء الوقت يباس

وبله ثلاث ايام تلقاء اندفاقه /// ركد ولا صكه هبوب ونسناس

وفزعوا له اللي يعشقونه عشاقه /// ومن غيرهم كثروا طروش وعساس

وراع الدبش قامة تسابق نياقه /// اتقول ما خذها علىريحه ادعاس

برسالة اللي ما يبيع الصداقه /// ومعرفته عند الرياجيل نوماس

ونا يجيني دايم الدوم فاقه /// لشعار مثله من جديد ودراس

وازيد في حبل المواصل وثاقه /// ولا طيع في مثله من الخلق بلاس

صح الله لسانك ولسان الواسي

بدع ورد رائعين

واسمح لي لإعادة التنسيق

الاخ/شيهان شمران صح بدنك ويشرفني مرورك

*ولاهنت وسلمت يمناك وترى انت تمون وتقول وطول

شكرآ لكل من قام بالمرور

ابيات رايعه من الجميع
لكم كل الشكر

ابداع ما شاء الله تبارك الله

صحت لسان الشاعرين
وبيض الله وجيهكم