مالي شبيه

مالي شبيه
مالي شبيه لو قالو اشباه العرب حول اربعين
اقولها وكلي ثقه ومن عرفني قالها
وأعوذ بالله من الغرور والله رب العالمين
يعلم خوافي نيتي ابديت والا اخفيتها
صدقت في ماقلت انا واحلف على اقوالي اليمين
اني بري من الكبر والغطرسه ماحبها
طبعي التواضع والتسامح من صفات المسلمين
من طيب قلبي تصدقون حتى العدا سامحتها
فيني براءات طفل مايعرف نوايا الحاسدين
باقي صغير مامشى عمره سنه او حولها
طيب وطيبي طاب من حبي لبر الوالدين
أكرمني الله بطاعته دعواتهم لي اجابها
فيني صفه ماهي بفي غيري ولايمكن تبين
سرن من اسراري ونعمه خصني ربي بها
نعم نعم هناك ناس اكثار مثلي طيبين
افخربهم لاشفتهم واقول يالله قوها
ابطال شجعان وكرام حازوا على دنياودين
يشرفون المحتمع افعالهم تاقف لها
لكن اضل اميزه فيني تجمع كل زين
الناس في قلبي تعيش وفوق رأسي قدرها
شاعرة العرضيات فاطمه القرني