فوق هام السحب ( الشعر الشعبي) على متن القوافي

شكراً لك كاتبتنا الجميله
نوال الشمراني
اتشرف فيك وجزاك الله خير

لاتــامــن الايــام لـو زانـت ايــام
مـن يـامـن الايـام عــده مـغـفـل

الوقـت لـه دورات لـو زان مـادام
لو شـرع الابـواب لحظه تـقـفـل

ولاكـل من يـحـلم يحقق للاحلام
يمكـن يـجي مـن دونها مايجفل

وخل الطموح وهقوتك دوم قدام
الله بــرزق الادمـي قــد تكـفـل

‏.....

يالله ياللي ما خشى غير خوف منك خوف
لا شريك له بملكه ولا يعبد سواه

فيك تشخص البصاير ولك مد الكفوف
ياكريم يكرمون الأكارم من عطاه

عالم اللي ما أعلمه شايف اللي ما نشوف
خافي سره والأسرار ماهي بتخفاه

ولا جفانا القل واللي روابعهم ضعوف
جعل ربي ما يرينا لا غضبه ولا جفاه

جدلانيات ..
سغبد بن جدلان رحمه الله
‏
‎


‏

سمعت لي كلمة مدري وش اقصاها
حزت بنفسي وانا ماني بهارجها

لوكل كلمه لياجتنا طردناها
بعناالثمينه بسعرٍ مايخارجها

عبدالله بن زويبن رحمه الله

‏

‏من كثر صدمات الليالي تعلمت
ان البكا والبوح ما ينفع الروح

اصبر على ماجاك مهما تألمت
واضحك بوجه الناس لو كنت مجروح

‏.......

لاصار ودك تكتشف وزن العقول
افضل نتيجه تكتشف وقت الزعل

تلقى خفيف العقل من ربعه زعول
ولا الثقيل الضيقه ،،،،،، تزيده عقل


.......

يــاقـلب لايزعجك وقـتٍ يزيـن ويشين
مـاتدري إن كـل شمسٍ شارقة غاربـــة

السيــرة الخالــدة ديــن ورضـا وآلــدين
هــي والله الثـابـتـــة والـقــوة الضـاربة

واللي يحـــاول يـشـوه سـمعـة الطيبيـن
تــرجع على لحيته مـدري على شاربــــه

صداقـــــةٍ مـا تعـززهـا ظـروف الــسنين
لــوصلحتها الـمـصالح خاربــة خاربــــة

.......

‏والله اني عارفن ماعلى الدنيا مقام
‏من رجاها مثل راجي سراب القايله

‏الحظيظ اللي توجه لربه واستقام
‏واشترى الدارالاخيره بدارن زايله

.......

مساكم الله بالخيرات




قصيدة لخلف بن هذّال العتيبي (و1363ه/1943م) وإن كانت ليست أفضل قصائده إلا أن ما يجعلنا نختار هذه القصيدة هو كتابتها على طرق جديد بتكرار تفعيلة (فاعلن) أو يمكننا القول إنه دمج تفاعيل شطرين في شطر واحد منتهي بقافية واحدة ليجعلها مصراعاً أول وفعل كذلك في المصراع الثاني ليكمل قصيدته على أسلوب جديد من الطرق وبمحسنات بديعية حيث حوت على الجناس غير المتكلّف في كل أشطر القصيدة وصف بها الحب العذري العفيف التي يجعلها بحقّ مفخرة نبطية:


———————




ياحبيبي ترى القلب بعدك سرح وانجرح جرح ماشفت مثله جريح

المحبّه تجرّ المواليف جرّ الشجر وأنت الأرواح جرّيتها

أنت سبّة جروحي اللي جت وارهجت رجّت العمر وإن جيت ابا قوم اطيح

ساقني سمّ من طعم سمسم نسم وانقسم نصف قلبي وناديتها

قلت: ياناعس الطرف وش ذا الجفا ماصفا الجوّ حتى معك نستريح

قال:من جرّب الحب يلقى الشقا مابقى غير رجلك وعنّيتها

قلت: من شافكم ياسمي البحر انتحر و ارخص الروح علمٍ صحيح

صابرٍ مثل صبر الجمل للحمل ليت الأقدام سارت وسرّيتها

قال: ما كلّ من شافنا حافنا كافنا الشرّ لا افضحك واطلع وأصيح

قلت: من صاح مجنون تكفون تدرون ماكلّ غطوة تعدّيتها

قال: يا مرحبا دقّ راس الجرس والحرس لا تسولف بعلم فضيح

أحفظ الراس بلباس والناس لاتطّلع رحمةٍ فيك سوّيتها

قلت: ياسيّد البيض يا ابيض غضيض الحظيظ الذي عاشرك مامليح

عشرتك تنشري بالذهب ياذهب ذا وذا ذابت الكبد واوذيتها

هي بدوني محبٍّ بحبّك بكى واشتكى تحسبك صرت كاسب مديح

مادريت إن هذا البلا ياحلا حلّ حالٍ بحيلك تبلّيتها-




ود
@جاهله@

صباحكم خزامى




ما طار وقع من مطيره ولو حام
والزود مثل النقص ينقص ولو زاد


دنيا تغر الناس في طول الاحلام
ولابد تاصل شرها بين الاجواد


ياماشي بالدرب مسرى ومجهام
لابد من عقب المراويح معواد


احد قضى زامه واحد يمسك الزام
واللي صدر منها يجي غيره اوراد



؛ غازي بن مهنا الشيباني؛

ود
@جاهله@