قصيدة في المرحوم بأذن الله علي بن جروان لم تنشر من قبل

بسم الله الرحمن الرحيم

أسعد الله أوقات الجميع .. وأسأل الله أن يحفظ الجميع من كل مكروه

لم يذكرني فقد أعز أصدقائي الشيخ : أبو العز إلا بفقد والدي العزيز بالإضافة الى قراءتي لبعض أبيات أبو نايف الرثائية في والدي المرحوم بأذن الله علي بن جروان فأحببت أن أطرح لكم أفضل قصيدة رثائية مرت علي في وفاة والدي ولا ننسى أمواتنا من خالص دعاءنا اللهم ارحم والدي وأسكنه فسيح جناتك وأغفر لجميع موتانا وموتى المسلمين

1_نحمدك يارب عطيت العطيات_نحمدك ياربي على العسر واللين

2_نحمدك ياربي بضر ومسرات_يارب لطفك بالعباد المساكين

3_يوم الثلوث الطيب والعز قد مات_يوم الثلوث أنا غديت أبيض العين

4_ونيت ياقلبي ملايين ونات_ونة فقيد القلب هو والشرايين

5_غدا نهاري هم والليل ماأبات_وغدت ظلوعي جمر،،وش عاد تكوين!

6_من يوم شفت دموع خالي غزيرات_تصدعت جدران قلبي لهلحين

7_أبكي على شيخ الوفا والمروات_يقطعك دنيآ تاليتها مقفين

8_ياأرض البشاير راح راعي الجميلات_ماأدري أنا أعزيك ولا تعزين

9_ياأرض البشاير راح شيخ الطويلات_عزي هلك من قرب ولا بعيدين

10_ياأرض البشاير راح رجل المهمات_راعي الفعال البيض لأقصين وادنين

11_وشهي العيون اللي بتبكي المقامات!_لاعاد له بصمه بكل الميادين

12_يجيه راعي الهم والهم موات_تجلا همومه وتغير لسعدين

13_وراعي الديون يجيه يقضيه بسكات_ويلبي الحاجه لو تكون في العين

14_سهمه مع أهل الخير في كل حزات_بالمال ولا الشور هو دايم يعين

15_يحب ضيفه يكرمه كل الأوقات_وله الضيوف شهود هم والكريمين

16_وبين الخلايق يصلح يلم الأشتات_وفي لجنة الاصلاح له موقف يبين

17_مقيم للقرآن حد وتلاوات_وإمام للمسجد يؤم المصلين

18_مامات من ذكره على الطيب مامات_حي بذكره يشهدون الملايين

19_عجزت بأوزان القصايد والأبيات_يابوي في وصفك وشعري غدا شين

20_أنا الكسير اللي بليا جبارات_أنا العليل اللي رموه المداوين

21_حزني بقلبي لو يمر المجرات_تشوف الأجرام العظيمة محازين

22_ودموع عيني لو تمر المدارات_صار لدموعي في الفيافي عناوين

23_ايماننا بالله رب البريات_هو المسلي للعباد المنيبين

24_يالله ياخالق أراضي سماوات_يالواحد المعبود معطي الملبين

25_تغفر له ذنوبه وتجزيه مرضاة_بأعلى الجنان بكل روح ورياحين

26_وتسكنه ياربي نعيم وجنات_وتجعله مع خير العباد النبيين

27_هذا الدعاء يالله ومنك الاجابات_أنت الكريم وكلنا لك مطيعين

قصيدةرثاء في الوالد المرحوم بأذن الله: علي بن جروان
المتوفى في30/10/1427__للشاعر: عبدالله علي جروان الشمراني