صيده هزت شباب السعوديه

بسم الله الرحمن الرحيم

السلام عليكم ورحمة الله وبركاته...

حبيت انقللكم هذا الشعر....

من اجمل الاشعار... وزن ,وقافية , ومعنى , ..
ولكن للاسف ماادري
مين هو شاعرها ....

((مع ان فيها بعض من الجرأة الزايدة لكن اعجبتني وحبيت انقلها
عشان البنات يوعون عقولهم))

يا بنت أرجوك أنا مأقدر كفانـي ماضـي الغلطـات
أخــاف الله يعذبـنـي وأنــا خــواف يابنـيـه

واخـاف ابساعـه اللـذه يجينـا هــادم الـلـذات
ويأخذ مـن حشـى جوفـي بقايـا روحـي الحيـه

أنا ليّه ثمان اسنيـن وأنـا مدمـن علـى الشهـوات
ديـار الفسـق حاستهـا مواطـي تحـت رجلـيـه

عيوني مـن كبـر همـي تخلـط الـدم والعبـرات
مِسيـل الدمـع مـن عينـي حفـر بالخـد ماريـه

صحيح إنك جميله بـس تبنـا مـن هـوى الزينـات
تركنـا الحـب غصـب وطـوع للعيـن الشقاويـه

يابنت أنتي على بالـك أبأخـذ مـن بنـات الشـات؟
أجـل مجنـون أنـا يابنـت أشيـل العقـل بيديّـه؟

ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه

أنا أضحك مِعك واضحك منك ..عليك أكثّرالضحكات
كأنـي بالـهـوى جـنـي.. يعـبـي راس جنـيـه

وأنا مانـي بخكـري يلبـس القمصـان.. والشرتـات
ويفـرح قلبـه المسكـيـن إذا حــب الدوينّـيـه

أنـا مـن لابـةٍ أروت ضمايـا سيوفهـا الغـزوات
خلايا جسمـنـا عـاشـت عـلــى دم القبيـلـيـه

ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه

وحشرتـي ردفـك المسكيـن بالبنطـال ..والجنـزات
خلاقـيـنٍ تصنّعـهـا مـزاجــات اليـهـوديـه

عشاني ميـتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشـفـاك ورديــه؟

ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعوديـه

يابنت الناس عـزك فـي سـوادٍ يستـر العـورات
وعزيفي شماغ أحمـر.. وثـوب أبيـض.. وطاقيـه

سعودييـن نفخـر فــي عبـايـات السعـوديـات
نغـض الطـرف إجـلالً إذا شفـنـا السعـوديـه

ان شاالله تعجبكم

أشكرك اخي المستشار الله يعطيك العافيه

الأخ العزيز والقدير / أبو نواف الك مني جزيل الشكر وتقدير على مرورك والله يعطيك مليون عافيه

قصيده جميله تشكر اخي المستشار1
وفقك الله ورعاك

قصيده رائــعه ابدع الشاعر كتابتها

كل الشكر..

ارى ان قسم القصائد هو مكانها الانسب .

يعطيــــــــــك العـــــــــافيه عالقصيــــــــده

مُعبــــــــره صـــــراحه

تقبــــــــل مـــــروري

ابيات رائعه وجميله اشكرك عليها يالمستشار

وارجو ان بناتنا يفهمون رسالة الشاعر

شـكــ وبارك الله فيك ـــرا لك ... لك مني أجمل تحية .

الأخ العزيز / أبو خالد حفظك الله من كل شر وجعل ايامك كلها خير وسعاده شكراً الك على المرور والله يعطيك مليون عافيه

أخي الكريم ( المستشار1 )
شكراً لك على هذا النقل الجيّد وأتمنى أن تحصل الفائده من هذه القصيده ( فالعاقل من أتعظ بغيره )
نسأل الله أن يحفظ الجميع من كل مكروه .
شكراً لك وتقبل مروري .