الْبِعْد الْفَلْسَفِيْ

الْبِعْد الْفَلْسَفِيْ

هَاتْ لِيْ وْيَاكْ لَوْ تِسْمَحْ.. ظَلامْ..!
وِدِّيْ أشْعِلْ قَنَادِيْل أحْرُفِيْ
عِنْدِيْ حْرُوْف.. مَا تِصْلَحْ كَلامْ..!!
وَاتِمَنَّاكْ بِعْدٍ فَلْسَفِيْ
آتِقَطَّعْ مِثِلْ بَعْض الْغُمَامْ
وَاتِوَهَّجْ مِشَاعِرْ.. وَانْطِفِيْ..!
فِيْ عِيُوْنِيْ رِسَايِلْ مِنْ غَرَامْ
وْلا أجِيْد الْكَلامْ الْعَاطِفِيْ..!
صِبّ لِيْ مِنْ أحَاسِيْسِكْ.. مِدَامْ
لَيْن تَثْمِلْ عِرُوْقِيْ.. وْتِكْتِفِيْ
لِكْ يِغَنِّيْ الْغِصِنْ قَبْل الْحِمَامْ
يَوْم عَيْنِيْ بِعَيْنِكْ تِحْتِفِيْ
ثَوْبِكْ الْغَيْم وِالْبَرْق ابْتِسَامْ
تَغْرِيْ الرُّوْح بِالْغَيْث الْخَفِيْ
ذِكْرِيَاتِكْ مِنْ انْفَاسْ الْخِزَامْ
فِيْ شِغَافِيْ لَهَا الْعِطْر الْوِفِيْ



شعر: سَيْـــف السَّعْـــدِيْ

ريهام خالد
كالعادة ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير

قصيدة في قمة الخيااال
طرحت فابدعت
دمت ودام عطائك
ودائما بأنتظار جديدك الشيق

عِنْدِيْ حْرُوْف.. مَا تِصْلَحْ كَلامْ..!!
وَاتِمَنَّاكْ بِعْدٍ فَلْسَفِيْ
آتِقَطَّعْ مِثِلْ بَعْض الْغُمَامْ
وَاتِوَهَّجْ مِشَاعِرْ.. وَانْطِفِيْ..!
فِيْ عِيُوْنِيْ رِسَايِلْ مِنْ غَرَامْ
وْلا أجِيْد الْكَلامْ الْعَاطِفِيْ..!
صِبّ لِيْ مِنْ أحَاسِيْسِكْ.. مِدَامْ
لَيْن تَثْمِلْ عِرُوْقِيْ.. وْتِكْتِفِيْ


الله الله لشو هاذا الكلام الذي يحرك المشاعر

تسلمين غاليتي اختيار جميل وحلو
لاهنتي
دمت ودام عطائك المستمر

شكرااا لكم على مروركم
اطلالتك رائعة
لكم ودي