رفيقك اللي ما يقدر مواقفك

رفيقك اللي ما يقدر مواقفك
ترى ربيع القلب بعده وفرقاه

ليا صار لا رجلن مقامه يشرفك
ولا طيبن تقدر تحمل خطاياه

احرص على فرقاه لو من طوايفك
ليا صار ماتقوى على شيل عوجاه

ليا صار دايم با المواقف يخالفك
ويفرض عليك الراي من غير ترظاه

منت أولد له يستهينك ويعسفك
ولا والدن ودك على مكسب ارظاه

ولولا لزومه بول العام عايفك
ولو شاف طيبك عقب يومين ينساه

وان قلت له مخطي فظحك ابمعارفك
وليا تجاوزت الخطى عنه مرظاه

وليا سكت و شمت يجرح عواطفك
وضحوك في وجهك وسودن خفاياه

وان قمت مايسوى هبايب عواصفك
وان شلت له عرقا على الكبد عرقاه

وان جيت له محتاج ما تقل يعرفك
ويعطيك مع بيض المعاذير علباه

ليا صار عند اللازمه ما يساعفك
و قت الرخا منته ابعازت حماياه

لا تشتكي عنده يكبر سوالفك
فرقاه تغني عن مسرات جدواه

وحاذور عنه لا يسود صحايفك
ولا تقربه مادام تعرف نواياه

و بعدك عنه في ديرتن ما يشاوفك
اخير من قربه وشوفه ولا ماه

وموتك بعزك جنتن ما تكلفك
ولا حاجتن عند المنون و ترجاه

و موت الكرامه عن جنابه اتشرفك
ولا منته عسى نواعيه تنعاه

ومن يجهلك في منطق العرف يا صفك
وعرف الفتى تنبيك عنه مزاياه

وترى الرفيق اللي بهمك ينا صفك
ويفزع ليا شاف الخلل فيك يرفاه

ودايم صدوق وبا الحموه يلاطفك
ويقوم في و اجبك من قبل تنخاه

رجلن على كل المواجيب عارفك
ودايم طواريق الشرف ساس ممشاه

وان حلت الرفقه يشيد ابو صايفك
ماكنك الا واحدن من دناياه

ليا جا مجالك جاب عنك طرايفك
و ليا ذكرك بجملة الخير مبداه


جزاء صالح الحربي

قصيدة جميلة
بارك الله فيك على الطرح الرائع
جزاك الله خيرا
ولاعدمنا حضوركم المميز

اشكرك على الطرح القيم وعلى الكلمات الرائعة
جميل جدا بارك الله فيك
لاحرمنا الله من نورك


قوافل التحايا لسموك

شكرا على الكلمات
بارك الله فيك وجزاك الله خير الجزاء
على كل ما تقدمونه للمنتدى والجميع
جعلها الله في ميزان حسناتك
مع كامل التحية والتقدير

شكر على الطرح المفيد
دام لنا عطائكم المميز والجميل
تحياتي الوردية ...
لكـ خالص احترامي

الاخ الحمدان
تسلم على القصيدة
جزاك الله خيرا
وجعلة فى ميزان حسناتك

أخي العزيز الحمدان
شكرا لك على هذا التواجد الفعال
والمشاركات النافعه والمفيده
فبارك الله فيك وجزاك الله خير