قصيده موجهه الى قبيلة عليان

البدايـــه نذكـــر الله وذكــره فـــرض عيــن

ذكـــر ربــي غايـــة المســلميــن وزادهـــــا

خالـــق ابن آدم من الطيــن والمـاي المــهين

ماخــلقــنا الا من اجـــل العــبـاده والعــمــل

يالله ثبــتـــنا على مـــاتحـــب ومــا تــــريــد

بعــــدها مني ســـــلام يوصل روس قــــوم

داعيـــــة علــيــــــان ياشرابنـــــا وانسابنــا

يارجـــال تكســــــب الوافيــــــة بأفعــالهـــا

ماننقــص في فــعـــول الرجــــال وطيــبهـا

لكن التاريـــــخ لاأحــــدن يشــــوه سيـــرتـه

اســــأل اللي كلــمـــة الحــق عنده راس مـال

لاتغـــــطـــون الحقـــيقـــة ولا تـــخـــفـــونها

عدلـــو المخــطي ومن كـــان جاهل مادرى

عـلمــــوه انـــا بتـــاريخــــنا متمســـكــيـــن

الحقــــايـــق ثابتـــه مايغيــــرها الـــزمـــان

والكــــلام اللـــي على الصــدق يرفع قايلـه

والصـــدوق اللي على الحـــق دايم مايميـل

اصــدق اقــوال ابــن آدم كلام (ن) بالدليــل

واكـــذب الاقـــوال لابـدل الواقـــع بغــيـــر

يامــغيــر للتـــواريــخ وافـــعـــال الرجــال

كيـف تجـــعل فعل شمران يصبح فعل بـوك

ماتخـــاف الله ولا تستـــحي زور الكـــــلام

الحــــقيـــقه بينــــــه للبعــــيـــد وللقــريــب

ماتغــــطى بشــــعـر ناقص وتوليفة كتــاب

اســـأل العـــراف منكم ومن عنـده ضمــيــر

منهـــو اللي حـــرق قصـــور ليه والنخــــــيل

ومنهــو اللي فــزع يوم ابن دوشه صاح فيـه

غير شمــران العنـاصي وبعـــض ابني عــمـر

قصــة ما احد جهـــلها ســوى الرجل الجحود

والله انــــا مانـتــفـــاخــــر بوقــفــة غيــرنــا

نحمـــدالله اســـمـــنا فوق هـامــات الســحــاب

والقبــــايل تعتــــرف باســمــــنا وامــجــادنــا

كل مـــن يطـــمـــع بتــــاريخ قــوم غير قومه

يالله انـــك تجــــعــله عــــبـــرة للمســـلمــيـــن

بيض الله وجهك وصح لسانك مشكور من الأعماق وفيت وكفيت عن ربعي وربعك شمران والحقائق ماتغبى
واخيرا اردد ماقاله شاعرنا المعروف بن ظافر كلنا شمران عزوه وعز وفائده تقبل مروري ودمت سالم

صح لسانك وبيض الله وجهك

صح الله لسانكـ
أبيض وجه يا بن حمدان ..


احترامي لكـ
سلطان آل وافي

صح الله لسانك .. ونعم أن في قبيلة عليان رجال أكفاء وعقلاء ولايرضيهم
نسب أحداث بن دوشة لهم.

صح لسانك وقصيده ثابته كافيه وافيه والله يجزاك خير

صح لسانك يابن حمدان وبيض الله وجهك

ولكن لي ملاحظة

حرق ليه لم يكن ليلا بل كان صباح لم تشهد لييه له مثيل

أرجوا التعديل

وبيض الله وجهك

بن حمداان واافي يالوافي

صح لساانك ولا عدمنااك ياغالي

قصيدهـ جميله جداً بيض الله وجهك

ولاهنت وسلمت والف عافيه

بيض الله وجهك وصح لسانك وفيت وكفيت انت وفي لربعك وليس مستغرب

قصيدة رآئــعه تحمل في طيآتها ردودآ كثيرة على تبعات قصيدة عبدالوآحد ..



حضور بهي ورآئـــع ..





شكرا لك ..




تبريـــــ د