العقوبه والعفو

العقوبة والعفـو بيـن الاوامـر والنواهـي
واتّضاح الدين عثر كل خطـوات اشتباهـه

والبشر قسمين قسمٍ مستفيـق وقسـم لاهـي
السعيد اللـي زخـم دنيـاه ماشـد انتباهـه

باطن الايام بشـع وظاهـر الايـام زاهـي
ينخدع فيها الغشيم ويكتشفهـا اهـل النباهـه

ضاقت الاربع اجهات وضاع فالوقت اتجاهي
مـن عيـا والا فكـل انسـان لله اتجـاهـه

يالله اني طالبك عطفك ولطفـك يـا إلاهـي
معصيتك اكبر فشل والبعد عن قربك سفاهـه

حسبي ان القلب ماهو عن ربوبيتك ساهـي
صادق بطاعتك لاستجمـام عنـك ولانقاهـه

في البشر من يخفر الذمة على فنجال شاهي
من غبـاءه ياخـذ الديـن وتعاليمـه فكاهـه

وفي البشر من يعتبر شكله ودينـه للتباهـي
يترك الحق اعتباط وينطق الباطـل وجاهـه

وفي البشر من لايروز ولاينوز ولايضاهـي
عيشة الانعام يخرج من متاهه فـي متاهـه

والسواهي لو بحثناها طلـع منهـا دواهـي
واصلة حد الجنون وواصله حـد الشراهـه

اشهد انـا لـو تتبعنـا الاوامـر والنواهـي
كان يمدينا محينا الرجس عن ثوب النزاهـه

الهداية من يد الله ماهـي بجهـدي وجاهـي
يالله اهدينا جميع بحق ابـا القاسـم وجاهـه

ياهني اللي توفـى تـارك الدنيـا كماهـي
واصبعه مرفوع والفاظ الشهادة في شفاهـه

ابراهيـــــــــــــم الشـــــــــــــيخي..
نقل عن نخبة المثقفين