يابوي ڷيتڪ حيّ وتشوف حاڷي !

يابوي ليتك حيّ وتشوف حالي !
تشوف وش هو صارمن بعد فرقاك ؟

صار الوطن بعدك من الناس خالي
صار .. [ الوطن غربه ] بعد ما فقدناك


يابوي أنابعدّك سهيره الليالي
مقهورة من دنيّاي منّا .. ومنّاك !

حدتني الدنياوأنا راس مالي
إني.. عزيزه النفس .. مثلك وشرواك

مافيه شيٍ في حياتي صفالي
حتى . الورود .إن جيتها صآرت أشواك

أطيح وآحمولي عليّه إثقالي
وأتخيلك مديت لي كف .. يمناك

بعدّك.. ولآمره ترى إرتاح بالي
أصفّق على كفي ندم وآتحراك

ومن ضيقتي يا كّم أصّدق خيالي
وأقوم أدوّرعنّك وآقول بـ .. ألقاك

أضيع بالعالم وهمي سؤالي ؟
هو أنت ؟ وينك ؟ليه ماعاد شفناك؟

أدري لوإنك حي يا أعز غالي
يمديك .. تفزع قبل .. ماجيك وانخاك !

ويلآه .. ياحالي وماهوجرالي
ويلآه ..ياقلبٍ تعذب في طرياك

ويلآه .. يابويّ من أول وتالي
لا والله .. أول .. كان .. ينجيني إدعاك

واليوم من بعدك وش اللي بقالي ؟
غير إني أدعي ربي يغفرخطاياك

يالله حطّه وسط منزآل عالي
في جنة الفردوس يارب الأفلاك

واغفرذنوبه ياعزيز الجلآلي
واشرح لي صدرٍ ضاق من جّور دنياك
:
:
:



الله يرحمه ويرحم موتى المسلمين.......

تشكرين شكرا جزيل على هذي القصيده المرثيه لوالدك نسأل الله ان يجمعك به في جنات الفردوس ويرحمه ويغفر له والله يحفظك ويرعاك واكثري له من الدعاء

اسال الله ان يرحم والدك وحقيقه انها مرثيه مؤثره جدآ
صح لسانك ووفقك ربي