البارحة

البارحة.. من ضيقه الصدر محسوس
غابت علي الشمس في راس قمه

رجلي على جمره و كبدي على موس
عامين و الثالث على آخر متمه

صديت عن اوادم بها الحبل ممسوس
وعن وجه بن عمٍ يهين بن عمه

ادري مسيري عكس والدرب معكوس
وادري ان سلاح الداب نابه وسمه

ما قلت جعل الروس تفدا لها روس
اقول وجهٍ تمدحه لا تذمه

ماكل جاسوس بسميه جاسوس
لو نعرف اللي كلفه بالمهمه

لكن بيت النمل والذر والسوس
ماهو ببيت اللي كبيرٍ معمه

الناس نبت بروسها ريش طاووس
تفاخروا لين انكر العبد عمه

تنومسوا في شي ماهوب ناموس
مثل الصلاة اللي على غير يمه

اللي معه دفتر سنادات وفلوس
ويرهن مقابلها كرامه وذمه

يعطيك في الحسنى ندوات ودروس
ويصرف لك الاخلاق من راس كمه

ان عاف ماكن الطمع فيه مغروس
وان طمع في حاجه نسى ابوه وامه

ما نوس يا لوادي و لا انته بما نوس
مهم ولا فيك حاجه مهمه

اللي على جالك يصيدون جاموس
واللي وراهم ياكلونه بدمه

ذيابتك نجسه وفيرانك انجوس
وإن طحت بين يديه وداك فمه

أصنام تبنيها نصارى وهندوس
على قبور الانبيا والائمه

يا مملكة صدري من القوس للقوس
من لا يهمك لا تشيلين همه

جد الولد منحوس وابوه منحوس
جا من ظهره وقال لبليس سمه

اهون علي اعيش منفي ومحبوس
ولا ينبعث ريح الخيانه واشمه

ماني بدايم رايق اخلاق وهجوس
وإن ما ضويت بكارثه جبت امطمه



الشاعر .. مدغم أبو شيبة

اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير

مراقبنا العزيز الحمدان
جزاك المولى الجنه
لاعدمنا روعتك
ولك احترامي وتقديري

قصبدة مميزة
فشكرا لك لحد روعتك
تسلم الايااادي وننتظر قاادمك
كون بخير

اشكركم على تعقيبكم الرائع
وتواجدكم بمتصفحي لاعدمتكم
لكم مني أجمل التحايا واطيبها