وراك يابنتي من الصبح تبكين

شعور الأب أمام دموع ابنته
مؤلم وحارق
عبر عنه الشاعر عبد الله بن زويبن رحمه الله بهذه الأبيات المليئة بالصدق والأبوّة


وراك يابنتي من الصبح تبكين
ترى دموع العين ماهي خفية

تبكين وابكيتي صغارٍ بريين
وانا بعد دنيتها هاشمية

مير البكا والحزن ماهوب هالحين
فرقا بنات الناس ماهي قضية

الياتعدت عشرة ايام تنسين
انت وهن كلٍ يسليه حيّه

لكن اليا حطم على راسي الطين
هاك النهار اليا بكيتي عليه

ومدام انا وانتي على الارض حيين
ياسعد عينك لو بكيتي شوية

والله لا انسيك الزعل لين ترضين
وامهد لك الدنيا فجوجٍ فضية

واحماك مثل حماية الجفن للعين
وكلش فداك اليا بغيتي شرية

يفداك ماشافت عيونك من الزين
لو ان متر الثوب من خمس مية

لو اني اسجل على ذمتي دين
زودٍ على مايملكنه يديّه


الشاعر .. عبدالله بن زويبن

تسلم اخي الحمدان
قصيدة مميزة شكراً لك
بانتظار الجديد القادم
دمت بكل خير

شكرا اخي الغالي
خاطره اكثر من رائعه
دمت بكل خير ..

بارك الله فيك
إستمر ولك التوفيق بـإذن الله
تقديري وإحترامي

طرح شيق ورائع
اعجبني وراق لي
شكرا جزيلا لك
وبالتوفيق الدائم

أخي العزيز الحمدان
شكرا لك على هذا التواجد الفعال
والمشاركات النافعه والمفيده
فبارك الله فيك وجزاك الله خير

اشكركم على تعقيبكم وتواجدكم
لكم مني أجمل التحايا واطيبها
لاعدمتكم