صور رحلة وذبايح من امريكا خاااااصه لكم يالغالين

.السلام عليكم ورحمة الله
اولا اقدم خاااالص اعتذاري لمشرفنا الغالي ( الجابعي ) لاني نزلت هذا الموضوع من كم يوم والصور ما رضت تفتح واوعته اني اعيد طرح الموضوع وتاخرت بسبب اختبارات وبحوث كانت مطلوبه مني
اخواني واخواتي حبيت اوريكم بعض الصور الي اخذتها
وهي عباره عن جمعه شاب في الويكند
حبيت اجمع بعض الشباب في الشقه وطلعنا جبنا ذبايح
وصورت لكم موقع المزرعه الي تبعد عن المدينه حوالي 20 ميل

وصولنا للموقع


في البدايه وصلنا لصاحب المزرعه وهذا بيته







وهنا بعض الصور لمزرعته وبعض الحيوانات الي عنده















وهذي صورة تيسين اشتريتها انا وواحد من الشباب لعيد الاضحى ( هههههههه) الي على المين حقي ( كنت خايف عليه من ابن غصاب لا يعزم عليه ناس بس ربك ستر ) هههه



وهذا هو المليح من زاويه اخرى ( الله من مشوي جى عليه يوم العيد )



وهذا بيت الكلب



وهذا هو الكلب ولا هاربآ ( امحق من حارس )



طبعا هذي الشبح حقتي هههههههه



والحين يبدا الشغل النظيف ( العزايم الصدق ماهو بزيك يابن غصاب ) عزيمه عزيمه وتجيب صور من النت هههههههه امزح امزح

هذا المصلخ



وهذي الذبايح







ترا غنمهم مثل غنمنا واحسن ياشباب ( لانها ما تاكل الا مرعى
ورخيييييصه مره هذي الي تشوفون على 50 او 60 دولار واوقات بـ40 وتختار الي تبغى من الشبك



وهذا انا اعمل جاهدا



بعدها رحنا البيت
( وتعرفون الضيفان الله يهديهم دائما يجون متاخرين و ما يلحقون على الكبده والمشوي
عشان كذا اكلناها وهم باقي ماجو ( لاننا تعبنا من الشغل ) ..... صرفها ......

شبينا النار



وقطعنا الكبده ومحتوياتها






وزودنا كم ضلع
وفي البلكونه في الدور الرابع تمت عمليت الشوي




وبعدها حاولنا ننضف المكان من اثار الشوي عشان الضيفان ما ينقدوننا هههه
وضبطناه كذا



ويادار ما دخلك شر

وبدينا نركب العشا





والمضغوط ما نسيناه



وبعدها قلطنا العشا طال اعماركم



وبعدها طال اعماركم طقينا البلوت والشاهي الين الفجر




اسف على الاطاله يالغااااالين بس صورتها لجل عيونكم وقلت اوريكم اوضاعنا
وترقبوني الاسبوع القادم بصور صيد الغزلان ( خاص لمنتدانا ) والي راح انزلها في الويكند القادم اذا الله يسر وصدنا
هذا علمي وسلامتكم ,,,,,,,,,,,,,,,,,