جل من يعلم عن اللي تخفيه الصدور

جل من يعلم عن اللي تخفيه الصدور
الكريم اللي شظايا العظام يلمها

قالوا ان الحق موجود قلت الحق نور
والرجال اللي مع الحق انا ماذمها

مير شفت الحق ناقص وبالبطل مخشور
بين ناس من الخلايق وانا ماأعمها

عقب مارزيت الاعلام في روس القصور
جالها سيلٍ يطم الجبال وطمها

مالها غير انت يالحر يالسيف البتور
وانت ابوها ياطويل الذراع وسمها

وانت ابو فيصل ليا صمل العلم مخبور
القريبة والبعيدة نظرك يزمها

في طريق القافلة سكروا باب العبور
وانت بشتك يدخل المستجير بكمها

عودوا من دونها اللي يخوضون البحور
كل ماواقوا على البير هابو جمها

وادخلت في غابةٍ وسطها ريحة نمور
والنمور يعيفها الذيب حين يشمها

واعترضها من دفنها مع اللي فالقبور
وان نشدته قال لا عاد تنقل همها

قلت ما انسى همها قال انا نفس الشعور
مير لو طالت وعرضت تراني عمها

أنت ربي جاب لك صقر ماهو بالصقور
الجزيلة يعترضها ويسفك دمها

واخطرت في خاطري كلمةٍقامت تدور
أسمها عند القحاطين ياويل أمها

لا يوهمك التغطرس ويعميك الغرور
تحسب انك حولها وانت منت بيمها

أنت طيرٍ يمسك الريش وتطير الطيور
بالهوى يفرد كفوفه ونوب يضمها



الشاعر .. عبدالله بن زويبن رحمه الله

شكرا على القصيده اخي الحمدان
ابيات رائعه
تسلم يداك ولك كل التقديروالود

بارك الله فيك ع المشاركة
وجزاك الله خيرا
دمت بحفظ الله ورعايته..

شكرا على المشاركة
جزاك الله خير الجزاء ..
ونفع بك ,, على الطرح القيم
سررت لتواجدي هنا في موضوعك
لا عدمناك

تسام الايادي
دام لنا عطائكم المميز والجميل
تحياتي الوردية ...
لكـ خالص احترامي

بارك الله فيكـ على القصيده
ولا حرمكـ الأجر
دمت برضى الله وفضله

شكرا على المشاركة الرائعه
سلمت يمناك ولا عدمناك..
دمت برضى الله وفضله

تسلم يداااااك على الموضوع المفيد

جزاك الله الف خير على كل ما تقدمه لهذا المنتدى

ننتظر إبداعاتك الجميلة بفارغ الصبر

أخي العزيز الحمدان
شكرا لك على هذا التواجد الفعال
والمشاركات النافعه والمفيده
فبارك الله فيك وجزاك الله خير